"Алания" клуби бош мураббий Заур Тедеевни истеъфога чиқарди. Заур Тедеев жамоани 2022 йилнинг июнь ойида қабул қилиб олганди. "Алания" мураббий билан уч йиллик шартнома имзолаганди.

Ҳозирда "Алания" Россия биринчи лигасининг учинчи ўрнида бормоқда. Клуб биринчи ўриндаги "Балтика" жамоасидан етти очкога орқада.

Маълумот учун, Тедеев бундан олдин "Ростов" жамоасида бош мураббий вазифасини бажарувчи бўлиб ишлаганди.

Эслатиб ўтамиз, "Алания" сафида Ҳусайн Норчаев ҳаракат қилади.

"Алания" бош мураббий Заур Тедеевни истеъфога чиқарди