"Алавес" – "Реал Мадрид" 1:4 (0:0, 1:4)
14 август, "Мендисорроса" ўйингоҳи
Голлар: 0:1 – 48 Бензема, 0:2 – 56 Начо, 0:3 – 62 Бензема, 1:3 – 65, пенальти Хоселу, 1:4 – 90 Винисиус Жуниор.

"Алавес" – Пачеко, Агиррегабириа, Лагуардиа, Лежен, Дуарте, Пина (Мойя, 82), Мендес (Мартин, 68), Пере Понс (Лум, 59), Ману Гарсия (Гвидетти, 59), Хоселу, Риоха (Пельистри, 68).

"Реал Мадрид" – Куртуа, Начо, Милитао, Алаба, Модрич (Асенсио, 88), Каземиро, Вальверде (Иско, 88), Васкес, Бензема (Йович, 89), Бэйл (Родриго, 68), Азар (Винисиус Жуниор, 66).

Огоҳлантиришлар: Ману Гарсия (35), Бэйл (53), Куртуа (64).

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Чемпионатни "Қироллик клуби" ишончли ўйин ва йирик ғалаба билан бошлади. Ла Лигани кузатишда давом этинг, бу лига Месси ва Роналдугача ҳам ТОП бўлган!

90+3-дақиқа. "Алавес" ўйинни марказдан бошлади ва ҳакамнинг финал ҳуштаги янгради.

90+2-дақиқа. ГОООООООЛ! Винисиус ниятига етди ва ўз номига гол ёздириб қўйди.

90+1-дақиқа. Винисиус...

Учрашувга 3 дақиқа қўшиб берилди.

90-дақиқа. "Алавес"нинг яна бир уриниши омадсиз чиқди ва ўйиннинг асосий вақти ортда қолди.

89-дақиқа. Олдинга ҳаракатланаётган Винисиусга нисбатан қўпол ўйнашди.

88-дақиқа. Ўзгаришлар! Лука Модрич, Федерико Вальверде ва Карим Бензема ўрнига Лука Йович, Иско ва Марко Асенсио майдонга туширилди.

86-дақиқа. Давид Алаба жарима майдони ичида йиқилиб тушди ва ҳакамга юзланди... Бироқ учрашувни бошқариб бораётган Сезар Сото "ўрнингдан тур" дегандек ишора қилди.

83-дақиқа. Ўзгариш! Томас Пинья ўрнини Тони Мойяга бўшатиб берди.

81-дақиқа. Винисиус тезкорлиги ва техникасини ишга солиб, қанотдан жарима майдонига ёриб кирди ҳамда узатмани ҳам амалга оширди, аммо шериклари буни кутмаган чоғи, тўпга улардан ҳеч бири етиб бора олмади.

79-дақиқа. Узоқ масофадан берилган зарбадан кейин Куртуа тўпни қўлидан чиқариб юборди, аммо бахтига яқинроқда рақиблардан ҳеч ким йўқ эди.

75-дақиқа. Начо ҳимояда ишончли ҳаракат қилиб, хавфни бартараф этди.

73-дақиқа. "Реал" навбатдаги бурчак зарбасини ишлаб олмоқда. Аммо меҳмонлар стандарт вазиятдан фойда чиқара олишмади.

71-дақиқа. Родриго тезлиги эвазига рақибини доғда қолдириб кетаётганида, тўп майдондан чиқиб кетиб қолди. Акс ҳолда у дарвозабон қаршисига чиқиб келарди.

68-дақиқа. Ўзгариш! Луис Роха ва Эдгар Мендес ўрнига Факундо Пельистри ҳамда Иван Мартин тушди.

68-дақиқа. Ўзгариш! Гарет Бейл ўрнига Родриго майдонга туширилди.

66-дақиқа. Ўзгариш! Эден Азар ўрнини Винисиусга бўшатиб бермоқда.

65-дақиқа. ГОООООООЛ! Хоселу пенальтидан Куртуа дарвозасини ишғол қилди.

64-дақиқа. Огоҳлантириш! Ҳакам Тибо Куртуага сариқ карточка ҳам кўрсатди.

64-дақиқа. ПЕНАЛЬТИ! Милитаонинг қўпол хатоси ва Куртуа рақибига нисбатан қоидани бузди.

62-дақиқа. ГООООООЛ! Карим Бенземадан дубль. Бу голда 90% ишни Феде Вальверде қилиб берди.

60-дақиқа. Гвидеттининг зарбаси қовушмади ва Куртуа тўпни эгаллаб олди.

59-дақиқа. Ўзгаришлар! Ману Гарсия ва Пере Понс ўрнини Йон Гвидетти ва Мамаду Ндиайе эгалламоқда.

56-дақиқа. ГОООООООЛ! Начо орадаги фарқни оширмоқда.

55-дақиқа. Алаба қанотдан олдинга ўтиб, узатган тўпга Бейл етиб келишига ҳимоячи имкон бермади.

53-дақиқа. Огоҳлантириш! Тўп учун курашда Гарет Бейл кескинроқ ўйнади деб топилди.

50-дақиқа. "Алавес" энди бор омадини ҳужумдан излашга мажбур.

48-дақиқа. ГОООООЛ! Ҳужум чизиғидаги барча иштирок этган ҳужум ва Бензема "Қироллик клуби"нинг мавсумдаги биринчи голини урди. Азардан ассист.

46-дақиқа. Иккинчи бўлим бошланди!

Қўшиб берилган ўша дақиқа фақатгина Азарнинг ўйин қоидасини бузганига эътибор қаратиш мумкин бўлди. Қолган вақт бирор дарвоза олдида хавфли вазият юзага келмади. Танаффус, бироз дам оламиз.

Биринчи бўлимнинг асосий вақтига 1 дақиқа қўшиб берилди.

45-дақиқа. Жарима зарбасини Давид Алаба амалга оширди, унинг уриниши кучли, аммо анча ноаниқ чиқди.

44-дақиқа. Вальвердега нисбатан қўполлик, ҳакамнинг ҳуштаги чалинди.

42-дақиқа. Риоха чап қанотдан катта тезликда олдинга ўтиб борди ва жарима майдонига яқинлашиб, зарба берди... Бироз ноаниқ.

41-дақиқа. Узоқ давом этган ҳужум Алабанинг ноаниқ зарбаси билан якунланди.

38-дақиқа. "Алавес"нинг жавоб ҳужуми ва баҳсли ҳолат юзага келди. "VAR"га мурожаат қилинди, лекин барчаси жойида тўп Васкеснинг қўлига тегмаган ва пенальтига асос йўқ.

37-дақиқа. Зарбани Гарет Бейл амалга оширди, уриниш аниқ, лекин дарвозабон ҳам ўрнида.

35-дақиқа. Огоҳлантириш! Ману Гарсия ҳакам томонидан огоҳлантирилди. Футболчи баланд учган тўпни бир ҳаракатда тўхтатиб ололмади ва Бензема уни олиб, қочиб кетмаслиги учун фол ишлатишга мажбур бўлди.

34-дақиқа. Каземиро рақибини ўз "услубида" кутиб олди.

32-дақиқа. Алабадан яхши узатма ва Азар зарба беришга уриниб кўрди.

28-дақиқа. Ҳар икки жамоа эҳтиёткорликни унутмаган ҳолда ҳужум учун имкон қидирмоқда.

Қоида бузишлар бўйича кўрсаткич 4:1.

25-дақиқа. Алаба ва меҳмонларнинг бир гуруҳ футболчилари босими оқибатида "Алавес" тўпни йўқотди.

22-дақиқа. "Алавес"нинг ўнг қанотдан ривожланган ҳужумидан кейин берилган зарба йўлига Начо тўғаноқ бўлди.

21-дақиқа. Гарет Бейл ҳам жарима майдонига кирмай зарба бериб кўрди.

19-дақиқа. Бензема ва Азар жуфтлиги бурчак зарбаси ишлай олмади.

17-дақиқа. Лука Модричдан тўпни қабул қилиб олган Азар дарвоза томон зарба берди, бироз ноаниқ.

14-дақиқа. Ҳозирча "Алавес" тўпга кўпроқ эгалик қилишга уринмоқда ва ёмон ўйин кўрсатмаяпти.

11-дақиқа. "Реал"нинг ўнг қанотдан уюштирмоқчи бўлган ҳужуми узилиб қолди.

Футболчи ўрнидан турди.

8-дақиқа. Майдон марказида Хоселу (Алавес) йиқилиб ётибди.

7-дақиқа. Эден Азарга нисбатан янги мавсумдаги биринчи қўполлик амалга оширилди.

6-дақиқа. Ўйиндаги биринчи хавфлироқ вазият "Реал" дарвозаси олдида юзага келди, кучли зарбадан кейин Тибо тўпни ушлаб олди.

3-дақиқа. Алаба бугун чап қанотда ҳаракат қилмоқда.

1-дақиқа. Ўйин бошланди!

"Алавес" – "Реал Мадрид"

15 август, 01:00, «Мендисорроса»

"Алавес" – Пачеко, Агиррегабириа, Лагуардиа, Дуарте, Ману Гарсия, Пина, Пере Понс, Мендес, Риоха.
"Реал Мадрид" – Куртуа, Начо, Милитао, Алаба, Модрич, Каземиро, Вальверде, Васкес, Бензема, Бэйл, Азар.

Ла Лига. Бенземадан дубль, "Реал Мадрид" сафарда "Алавес" устидан йирик ғалабани қўлга киритди