Mazkur uchrashuvdan so'ng raqib jamoa bosh murabbiyi Mirlan Eshenov fikrlarini bildirib o'tdi.

"Avvalo "Navbahor"ga mehmondo'stlik uchun rahmat aytmoqchiman. Raqibimiz kuchli ekanligi ko'rindi. Individual harakatlar borasida ustunlikka erishdi. Ularda zaxirasi ham keng va tanlov imkoniyati ko'p edi. Bizda ikkinchi bo'limda biroz tetiklik etishmadi.

Bu jamoaga qarshi o'ynash yoqimli. "Navbahor" bilan do'stlik aloqalarimiz bor. Hozirda ikki jamoa ham yangi mavsumga tayyorlanmoqda. Bu o'yin orqali o'zimga ko'p malumot oldim. Taqqoslash mumkin, o'yinning boshidanoq futbolchilarning mahorati ko'zga tashlandi. Ayniqsa hujumdagi o'yinchini ((Elguja Grigalashvili) aytgan bo'lardim. Hozirgi tarkib juda kuchli. Chempionlik nafasi kelmoqda. "Navbahor"ga birinchi o'rinni va xalqaro maydon yo'llanmasini tilab qolaman",- deydi Mirlan Eshenov.

"Alay" bosh murabbiyi Mirlan Eshenov: "Navbahor"ga chempionlik va xalqaro maydon yo'llanmasini tilayman"