"Yaxshi o'ynadik, ammo o'zimizning vaziyatlarimizdan foydalana olmadik. Bunday vaziyatlardan unumli foydalanishga majbur edik. Mashg'ulotlarda ushbu jihat ustidan ishlamoqdamiz. 10 kishi bo'lib ham yaxshi o'ynadik va gol urish uchun imkoniyatlarga yarata oldik. Yigitlarga o'yin uchun minnatdorchilik bildiraman. Durang adolatli natija bo'ldi", - dedi Aleksandr Ejov bugungi uchrashuv haqida.

- Chetlatishga qadar jamoa yaxshi o'ynab turgandi. Qizil kartochkadan keyin ham jamoa o'yin tempini ushlab qola oldi. Chetlatishdan so'ng futbolchilaringizga qandaydir alohida ko'rsatma berdingizmi?

- Futbolchilar barchasini tushunib turishibdi. Avvalgi o'yinlarda juda ko'p ochkolar yuqotdik. O'yindan o'yinga kuchayib borishimiz kerak. Muxlislarimizga ham rahmat, ular bizni qo'llab-quvvatlashmoqda. O'yinimiz o'sib bormoqda. Musobaqa jadvalida bizdan teparoqda bo'lgan jamoalarga qarshi ham yaxshi o'ynamoqdamiz, ulardan ustunroqmiz. To'pga egalik qilish bo'yicha. Afsuski, muxlislarimizni g'alabalar bilan xursand qila olmayapmiz. Rahbariyatga ham rahmat. Bizni moliyaviy va ruhiy tomonlama yordam berishmoqda. Shunday o'ynashda davom etsak, bir kun kelib Superliga darajasidagi jamoaga aylanishimizga ishonaman.

- Asosiy himoyachilardan biri Bobur Akbarov nega maydonga tushirilmadi?

- Bizda har bir uchrashuvda yuqotish bor, afsuski. Akbarov sonining orqa tomiridan jarohat oldi. U hozir tiklanish jarayonida.

Aleksandr Ejov: "10 kishi bo'lib ham yaxshi o'ynadik va vaziyatlarga ega bo'ldik. Durang adolatli natija bo'ldi"