- O'yin haqida

- "Neftchi" klubi hamda jamoa muxlislarini g'alaba bilan tabriklayman. Bugungi tezkor tarzda kiritilgan gollar o'yinning umumiy natijasiga tasir ko'rsatmasdan qolmadi. Birinchi bo'limning dastlabki daqiqalaridanoq gollar o'tkazib yubordik. O'z o'yinimizni to'laqonli namoyish etgunimizga qadar Farg'ona jamoasi o'yin taqdirini hal qildi.

- "Istiqlol" jamoasi bilan kechgan bahsda jamoangiz qo'lga kiritgan 3 ochko bekor qilindi. Mazkur xolatga munosabatingiz qanday?

- Albatta, bu yoqimli emas. Reglament – bu barcha birdek amal qiladigan hujjat. Biz ham hamma qatori bunga amal qilamiz. Tortishgandan foyda yo'q.

- Bugun jamoangizning yirik hisobda mag'lub bo'lganiga nima sabab bo'ldi deb o'ylaysiz?

- Biz o'yin davomida ko'p marotaba konsetraciyani yo'qotdik. Bundan tashqari, "Neftchi"da kuchli legionerlar bor, ularning yorqin o'yini umumiy natijaga tasir ko'rsatdi.

- O'yin qaydnomasida faqat bir nafar darvozabon ko'rsatilgan, buning sababi nima?

- O'tgan uchrashuvda jamoamiz darvozaboni qizil kartochka olgandi. Shu sababli bugun bizda faqat bir nafar darvozabon bor edi.

Aleksandr Ejov: "Istiqlol" bilan o'tkazilgan uchrashuvdagi 3 ochkoning bekor qilinishi yoqimli emas"