O'yin haqida

- Bugun juda qiyin o'yin bo'ldi. Uchinchi zonada keraklicha agressiv o'ynay olmadik. Vaziyatlarga ega bo'ldik, to'pni nazorat qildiq. Bitta epizod o'yin taqdirini hal qildi. O'z vaziyatimizdan gol ura olmadik. Raqib esa birgina vaziyatdan foydalanib ketdi.

- Jamoa bor energiyasini "Nasaf"ga ishlatgandek tuyildi. Bu ayniqsa birinchi bo'limda sezildi. Bu fikrga qanday qaraysiz?

- Yo'q, yo'q. Gap energiyada emas. Uchinchi zonadagi o'yinimizga ko'p narsa bog'liq bo'ldi. Birinchi va ikkinchi hududda biz yaxshi harakat qildik, uchinchi zonada esa agressivlik etishmadi. Bu erda energiya haqida gap bo'lishi ham mumkin emas.

- Marchich maydonga tushganda "Bunyodkor" hujumkorroq o'ynaydi. Bugun u yo'qligi sabablimi, maydon markazidan hujumni boshlaydigan o'yinchi topilmadi...

- Bizda ko'p o'yinchilar etishmayapti. Kimdir jarohatda, yana kimdirda boshqa muammo. Milan jamoaga ko'p yordam beradi. Himoyada ham, hujumlarni boshlashda ham. Boshqa o'yinchilar ham jamoada muhim o'rin tutishadi. Yana bir jihat shundaki, gap maydon markazidagi o'yinchilarda emas, gap hujumchilarimizda. Albatta, Milan bugun bizga etishmadi. Bugun g'alaba qozonishni uddalay olmadik.

- Bugun ham vaziyatlardan foydalinishda muammo bo'ldi, gol kiritishning imkoni bo'lmadi. O'tgan o'yinda ham shunga o'xshash muammo bo'lgandi. Bu nima bilan bog'liq?

- O'tgan o'yinda reja boshqacha bo'lganda. Biz o'shanda birinchi raqamda o'ynashni rejalashtirmagandik. Hujumchilarning uchinchi zonada o'ynashi futboldagi eng qiyin ish. Bu joyda aniqlik, ochila bilish, vaziyatlardan foydalanish – hamma narsa kerak bo'ladi. Yana qaytaraman, hujumda agressiv harakat qila olmadik.

- Usmonali qulay vaziyatga ega bo'lganida, baribir uning hujumchi emasligi pand berdi. To'g'ri, o'tgan o'yin u "Nasaf"ga qarshi vaziyatni hal qilgandi, ammo bu safar uning maydonga tushirilishi qanchalik to'g'ri bo'ldi?

- Usmonali hujumchik. Transfermarkt'ni tekshiring, u hujumchi. Usmonali himoyada o'z xohishi bilan o'ynamagan. Men u bilan gaplashganman, u aslida himoyachi emas. Biz uni himoyada sinab ko'rmaymiz. Vaziyatdan foydalana olmagani? Bilmadim, u o'zini hujumchi deb ataydi. O'tgan o'yinda ham gol urdi. Qaerda himoyada o'ynagan bo'lsa ham o'zi istaganidan o'ynamagan.

Aleksandr Krestinin: "Hujumda agressiv harakat qila olmadik"