"Umuman olganda yigitlar bugun berilgan ko'rsatmalarni xatto penaltidan so'ng ham to'g'ri bajarishdi. Tanaffusda bazi taktik o'zgarishlarni amalga oshirdik. Ikkinchi bo'limni faol boshladik. Futbolchilar ko'rsatmalarni to'g'ri bajarishgani menga manzur bo'ldi. Kutilmagan ikkinchi goldan so'ng afsuski o'yinimizga salbiy tasir o'tkazdi. Uchinchi gol urilgach esa o'yinni hech bo'lmaganda durang bilan yakunlash uchun ishonch so'ndi. Gap natijada emas. Bizdagi muammo oxirigacha kurashmaslikdan iborat. Shuni engishimiz kerak. Shogirdlarimga jiddiy etirozim yo'q.

Standart vaziyatlarga tayyorgarlik jarayonida katta etibor beramiz albatta. Ammo ko'rganingizdek “Paxtakor” futbolchilari bo'ydor. Shunga jarima to'plaridan unumli foydalan olmadik. “Paxtakor” Osiyo chempionlar ligasida o'ynaydi, ular amaldagi O'zbekiston chempionlari. Ular tezroq va kuchliroq bo'lishlari shart. “Navbahor” o'yinchilari bazi vaziyatlarda kurashni boy berishganini to'g'ri tushunsa bo'ladi. Lekin ikkinchi golga qadar “Paxtakor”dan qolishmadik. Avtogol esa uchrashuvni keskin o'zgartirib yubordi.

Menga “Navbahor”ning o'yini xush kelmoqda. Boshqalarga bizning o'yin yoqmasligi mumkin. Misol uchun palovning o'ttiz xil turi mavjud. Barchaga bir xil manzur kelib bo'lmaydi. Bugun hech qanday baxona qilmoqchi emasman. O'ynashni to'xtatganimiz yagona muammo bo'ldi, xolos. Uchinchi goldan so'ng o'yinimizdan qoniqmadim.

Bugun ikki asosiy hujumchilarimiz Pishur va Rajabov kasalligi tufayli Abbosovni noilojlikdan tushirdim. Hujumni yakunlashda keskinlik bizda bo'lmadi. O'z yo'nalishim bo'yicha jamoa bilan maksimal darajada ishlashda davom etaman. Meni istefoga chiqarishlaridan qo'rqmayman. Chunki ertami yoki kechmi meni ham ishdan baribir olishadi. Barcha klubda bu xolat bir kun kelib kuzatiladi. Uch oydan keyinmi yoki uch yildan so'ng, baribir murabbiyni bo'shatishadi. Bizning ishimiz shunaqa. “Navbahor” – futbol jamoasi. Futbol - mening xayotim. Qanday darajada futbolchini shug'ullantirishning axamiyati yo'q. Asosiysi shogirdlarni ko'zlarida olov bo'lishi lozim, - deydi Volkov.

Aleksandr Volkov: "Boshqalarga "Navbahor"ning o'yini yoqmasligi mumkin, lekin menga yoqadi"