"Lokomotiv"ni g'alaba bilan tabriklayman. Jamoam mag'lub bo'lganiga qaramasdan, o'z o'yinini ko'rsata oldi. Biz esa oldinga qarab harakat qilishda davom etishimiz kerak. Mag'lubiyat alamli albatta. So'nggi daqiqalarda gol o'tkazib yuborish og'ir zarba bo'lishi tabiiy. O'tkazib yuborilgan gollarni hisobga olmaganda o'z jarima maydonchamiz atrofida yaxshi himoyalana oldik. To'p nazoratini qo'lga olishimiz kerakligini aytgandim. Lekin xatoga yo'l qo'ydik. Umuman olganda hammasi adolatli. Bugun omad ham, VAR ham biz tomonda bo'lmadi. Ko'p kuch sarfladik. Biroq samarasiz",- deydi Aleksandr Xomyakov.

- Bugungi o'yindagi VARni qanday baholaysiz?

- Futbol tezlashmoqda. Shu bois inson ko'zi bilan ham ilg'ay olmay qolmoqda. Shuning uchun ham VAR kerak. Inson faktori degan narsa bor. Aytganimdek to'pni nazorat qilish bizga etishmadi. O'yinni to'liq o'z jarima maydonchamiz atrofida o'tkazdik. Ko'p vaziyatlar bo'lmadi. Qarshi hujumlardagi kam sonli imkoniyatlardan foydalana olmadik.

- "Mashal" bu yil "Lokomotiv" stadionida ikki marta o'ynab, ikkalasida ham mag'lubiyatga uchradi. Ushbu maydonda jamoaga nima etishmayapti?

- Bitta bahsni "Paxtakor"ga qarshi o'tkazdik va 0:1 hisobida mag'lub bo'ldik. So'nggi daqiqalarda penaltini golga aylantirganimizda hammasi boshqacha bo'lishi mumkin edi. To'p darvoza to'siniga tegdi. Bizdan keyin "Nasaf" shu maydonda o'ynadi. Ular ham to'pni darvoza ustuniga nishonga oldi. Ko'ryapsizmi? Futbolda omad juda muhim axamiyat kasb etadi. Qarshi hujumda gol ur va hammasi boshqa tomonga o'zgarib ketadi.

Aleksandr Xomyakov: "Bugun omad ham, VAR ham biz tomonda bo'lmadi"