Aleksandr Xomyakov: "Ishonchli g'alabaga erishdik, etarlicha gol urishga muvaffaq bo'ldik. O'yindan ko'nglim to'ldi. Yigitlar yaxshi taassurot qoldirishdi. Taktika bo'yicha to'g'ri o'ynadik. Oson bo'ldi deya olmayman, "Metallurg"ning kuchli va kuchsiz tomonlari bor. Tezkor gol urganimiz bizga katta foyda berdi. Futbolchilar ko'rsatmalarimni aniq bajarishdi. Bu g'alabani muxlislarga bag'ishlaymiz.

- Bugungi bahsda yirik hisobdagi g'alaba bo'lishini kutganmidingiz?

- Doimo g'alabani maqsad qilamiz. Katta etibor o'yinning dastlabki 10 daqiqasida qaratilgan edi, shu vaqt ichida gol urishga harakat qilgandik va buni uddaladik. Hammasi rejamiz bo'yicha ketdi.

- Rubin Xebay haqida nima deya olasiz?

- Bugun yigitlar u uchun o'ynashdi, u yigitlar uchun o'ynadi. Xebayni ajratib ko'rsatsam bo'ladi. Uning o'yini o'xshadi va bundan xursandman. Barcha futbolchilardan ko'nglim to'ldi.

- "Andijon" qachon o'z stadionida o'ynaydi?

- Bu borada aniq javob bera olmayman. Stadionda ishlar ketyapti, biz ham tezroq o'z arenamizda o'ynashni xohlaymiz. May oxirida deyishgandi. Andijonda muxlislarning qo'llab-quvvatlashi yanada kuchli bo'ladi, ammo hozir ham ular borini berib bizni oldinga chorlashmoqda.

- "Metallurg" so'nggi turda AGMKni yutdi, ammo bugun mag'lub bo'ldi...

- Har bir jamoani kuchli va kuchsiz tomonlari bor. "Metallurg" yomon jamoa emas, ular hali ko'pchilikning "qonini ichadi".

Aleksandr Xomyakov: "Hammasi rejamiz bo'yicha ketdi"