- Bugungi ko'rsatgan o'yinimiz uchun barchadan uzr so'rayman. O'yinni uxlab qolgandek bo'lib boshladik va raqibga ikkita golni sovg'a qildik. Bu esa ularga komfort holatni taqdim qildi. Ikkinchi bo'limda barchasini o'zgartirishga harakat qildik. O'ylaganimizning barchasini amalga oshira olmadik. Hisobni tenglashtirgandik, afsuski, yana "uxlab qoldik" va gol qo'yib yubordik. Raqiblar g'alabani ko'proq istadi, ular yaxshi himoyalanishdi va o'yin ritmini nazorat qilib turishdi. "Surxon" g'alabaga loyiq edi. O'yin oldidan raqibni o'rganganimizda "Surxon"ni bizga noqulay raqibligini, ularga o'zlari istagandek o'yin ko'rsatmasligi kerakligini tushuntirgandik. Aks holda bizga katta muammolar keltirishini bilardik. Shunday bo'ldi ham. Yana bir bor muxlislardan uzr so'rayman.

- "Paxtakor" ustidan qozonilgan g'alabadan keyin jamoangiz xotirjamlikka berilmadimi?

- Biz bu haqda ko'p gapirdik. Maydonga tushdik, o'zimizga ishondik. Bugungi g'alaba bizga qalban sokinlik taqdim qilardi. Futbolchilarim "Surxon"ni katta bosimsiz mag'lub qila olamiz deb o'ylashgandi. Ammo doimo takror va takror ularga "Surxon"ning bizga noqulay raqibligini va bosim katta bo'lishini tushuntirgandik. Balki futbolchilarim tiklanishga ulgurmagandir, balki men tig'iz taqvim sababli ko'zda tutilgan rotaciyani to'g'ri amalga oshirmagandirman. Oldimizda "Dinamo"ga qarshi o'yin bor, shu boisdan ayrim futbolchilarimga kuch to'plab olish uchun vaqt berdim. Bugun maydonga tushishni istagan, o'ynay oladigan futbolchilarga imkoniyat berdim. Bu erda barcha ayb menda. Raqib g'alabani bizdan ko'ra ko'proq istadi.

- "Andijon"ning asosiy hujumchisi Islam Mashukov hali gol urgani yo'q. Bunga sabab nimada?

- U yuqori sifatli hujumchi. Balki hali moslashish jarayoni yakuniga etmagandir. Unga katta umid bildiryapmiz. Bir qancha vaqt o'tib, u gollar uradi va jamoaga foyda keltiradi.

Aleksandr Xomyakov: "Paxtakor"ga qarshi o'yindan keyin futbolchilarim bugun katta bosimsiz g'alaba qozonamiz deb o'ylashdi"