"Uzoq kutilgan yangi mavsum start oldi. Umid qilamizki, mavsum omadli keladi. Muxlislarimizni xursand qilamiz. Bugun qiziqarli uchrashuv guvohiga aylandik. Futbolda qaysidir jamoa yutishi, boshqasi mag'lub bo'lishi tabiiy hol. Afsuski, bugun biz mag'lubiyatga uchradik. Durangga loyiq o'yin ko'rsatdik. Fikrimcha, mezbonlarga qaraganda golga tortadigan ko'proq vaziyatlarni yuzaga keltirdik, biroq foydalana olmadik. O'tkazib yuborilgan gol ham alamli tarzda darvozamizdan joy oldi. Bu birinchi o'yin, albatta, navbatdagi bahslarda vaziyatni o'nglashga harakat qilamiz", – deydi Aleksandr Xomyakov.

- Durangga loyiq o'yin bo'lmadimi, nima deb o'ylaysiz?

- Hozir aniq talqin qilish qiyin. "Bunyodkor" qancha vaziyat yaratganini eslay olasizmi? Tanaffusdan so'ng darhol gol o'tkazib yuborish alamli. Kiyim almashtirish xonasidan chiqib, gol o'tkazish yoqimsiz. Bu birinchi o'yin, albatta, navbatdagi bahslarda vaziyatni o'nglashga harakat qilamiz.

- "Mashal" sizning uslubingizga to'la moslashib olishi uchun qancha vaqt kerak bo'ladi?

- Chet ellik murabbiy qanday ishlaganini muhokama qilishim qiyin. Men 8 kundan buyon jamoa bilanman va ko'p o'zgartirish qila olmasdim. Har qanday murabbiy yangi jamoani qabul qilib olgach, qandaydir o'zgartirish kiritish uchun kamida 6 hafta vaqt kerak bo'ladi.

Aleksandr Xomyakov: "Tanaffusdan so'ng darhol gol o'tkazib yuborish alamli"