"Championat.asia" sayti talqiniga ko'ra 11-turning eng yaxshi darvozaboni - Mashhur Muhammadjonov ("Xorazm")

"Xorazm" jamoasi bu turda o'z maydonida "Qo'qon-1912"ni qabul qildi. Murosasiz o'tgan o'yinda mezbonlar posboni Mashhur Muhammadjonov mahoratini ko'rsatdi va darvozasi dahlsizligini saqlab qolishga erishdi. "Xorazm" so'nggi marotaba 5-turda "Do'stlik" bilan uchrashuvda shunday ko'rsatkich qayd etgandi.

"Championat.asia" sayti talqiniga ko'ra 11-turning eng yaxshi futbolchisi - Sherzod Qodirov ("Do'stlik")

Qaysidir manoda turning kutilmagan natijasi "Buxoro" - "Do'stlik" uchrashuvida qayd etildi. Poytaxt klubi chempionat etakchisiga 2 ta gol urdi va hisobda dastlab oldinda borayotgandi, yakunda esa mezbonlar hisobni tenglashtirdi. O'yindagi "Do'stlik"ning ikki goliga so'nggi bahslarda yorqin o'yin ko'rsatayotgan Sherzod Qodirov mualliflik qildi. Sherzod Qodirov Aleksey Evstafeev boshchiligidagi oxirgi 3 ta bahsda 4 ta gol, 1 ta assist amalga oshirdi. "Buxoro" bu o'yinga qadar 1 ta to'p olib chiqqan bo'lsa, "Do'stlik" bu ishni bitta o'yinda ikki marotaba uddaladi.

"Championat.asia" sayti talqiniga ko'ra 11-turning eng yaxshi murabbiyi - Aleksey Evstafeev ("Do'stlik")

Pro ligada joriy mavsumda debyut qilayotgan “Do'stlik” “Buxoro” fonida kuchsiz, nisbatan tajribasiz jamoadek gavlanayotgandi. Lekin unutmaslik kerakki, poytaxt klubi tajribali murabbiy Aleksey Evstafeev qo'liga o'tgach ilk g'alabasini qo'lga kiritdi, jamoa o'yiniga mazmun kirdi. Uning shogirdlari 11-turda kuchli raqibdan ochko olishga muvaffaq bo'ldi.

Aleksey Evstafeev, Toshkentdagi to'qnashuv qahramoni va "Xorazm" darvozaboni - Pro liga 11-tur laureatlari