Ushbu uchrashuvdan so'ng “Zobohan” klubi futbolchisi Ali Xamam o'z fikrlarini bildirdi.

“Avvalam bor “Bunyodkor” bilan bo'lgan uchrashuvda g'alaba qozonganimizdan xursandman. Biz Toshkentga faqat g'alaba qozonish uchun tashrif buyurgandik. “Bunyodkor” guruhimizdagi kuchli jamoa, ammo ushbu bahsda “Zobahan” juda ham ajoyib o'yin namoyish qildi.

Raqibimizni o'z uyida 2:0 hisobida mag'lubiyatga uchratdik. Endi bor etiborimizni keyinga bahsga qaratamiz. Nasib qilsa qolgan uchrashuvlarda ham g'alaba qozonib “pley-off” bosqichiga chiqamiz. “Bunyodkor” haqida gapiradigan bo'lsam, raqibimizga nima bo'lganini o'zim ham bilmayman.

Ularning asosiy tarkibdagi ayrim futbolchilari uchrashuvda ishtirok etmadi. Biz esa kuchli o'yin ko'rsatdik va g'alaba qozondik. Shuning uchun ham “qaldirg'ochlar” mag'lubiyatga uchrashdi, deb o'ylayman. Biz maydonga faqat g'alaba uchun tushgan edik.

Barcha biladi, bundan oldingi 2ta uchrashuvning birida mag'lubiyatga uchradik, ikkinchisida durang natija qayd etdik. “Bunyodkor”ga qarshi o'yinda, xuddi final bahsidek harakat qildik. Bizni g'alabadan boshqa narsa qanoatlantirmas edi”, - deydi “Zobohan” futbolchisi Ali Xamam.

Jahongir Sotvoldiev yozib oldi

Ali Xamam: “Bizni g'alabadan boshqa narsa qanoatlantirmas edi”