Undan oldin esa ortda qolgan nimchorak final bellashuvlariga oid ayrim statistikalarni keltirib o'tamiz. Ularni OFK taqdim etdi.

- "Al Sadd" jamoasi "Persepolis"ga qarshi bahsda jami 17ta zarba (blok qilingan zarbalar bilan birga) berdi va birorta gol ura olmadi. Bu 2013 yildan beri gol urmagan jamoa tomonidan berilgan eng ko'p zarba bo'ldi.

- Qizig'i, "Al Sad"ning ko'p zarba berib (blok qilingan zarbalar bilan birga) gol urolmagan oldingi o'yini ham aynan "Persepolis" bilan bo'lgan. 2018 yilning oktyabrida qatarliklar forslar darvozasi tomon 16ta zarba berib, gol urishni uddalay olishmagan.

- "Al Sadd" jamoasi "Persepolis"ga qarshi uchrashuvda 8ta vaziyat yaratdi. Bundan oldin jamoa 2018 yilning oktyabrida aynan "Persepolis"ga qarshi to'qnashuvda 10ta vaziyat yaratib gol ura olmagan.

- "Persepolis" tarkibida Chempionlar ligasida uchta o'yinda gol urolmagan hujumchi Isa Al Kasir oxirgi ikkita o'yinda gol urishni uddasidan chiqmoqda.

- Nimchorak finalning 4 o'yinida hech bir o'yinchi "Paxtakor"ning o'ng qanot himoyachisi Hojiakbar Alijonovchalik ko'p vaziyat yaratmadi. Shu kuni Alijonov 3ta vaziyat yaratdi.

- "Al Nassr" hujumchisi Abdulrazzoq Hamdallah Chempionlar ligasida o'zining oxirgi 9ta o'yinida maydonni golsiz tark etmayapti (10ta gol).

- "Al Nassr"ning o'ng qanot himoyachisi Sulton Al G'annam jamoasining OCHLdagi oxirgi 6ta golidan 3tasiga golli pas bergan. U bundan oldingi 9 uchrashuvda (OCHLda) bor yo'g'i bitta golli pas bergan.

Alijonov eng ko'p vaziyat yaratgan. OCHL nimchorak finaliga oid statistikalar