Эрон миллий терма жамоаси дарвозабони Алиризо Бейранванд "Персеполис"ни тарк этиб, Бельгия клуби "Роял Антверп" билан шартнома имзолади. Шартнома муддати уч йилга мўлжалланган.

27 ёшли посбон икки ҳафта олдин Бельгияга жўнаб кетганди. У шартнома имзолашидан олдин икки ҳафтани карантинда ўтказди, шундан сўнг тиббий кўрикдан ўтиб шартномага имзо чекди.

Бейранванд ўтган тўрт йилда катта ютуқларга эришди. У кетма-кет тўрт бор Эрон чемпионлигини қўлга киритди, ЖЧ-2018 финал боқичида ўйнади, шунингдек Осиё чемпионлар лигаси финал ўйинларида ҳаракат қилди.

Эндиликда у янги жамоаси сафида Европа Лигасида ҳам майдонга тушади. Бельгия чемпионатини "Роял Антверп" 8 август куни "Гент" клубига қарши баҳс билан бошлайди.

Алиризо Бейранванд Европага йўл олди