O'zbek futboli rivoji bo'yicha o'z takliflari, Toshkentda taqdim etilgan o'z dasturi va Federaciya boshqaruvidagi kamchiliklar haqidagi intervyuni tomosha qiling.

Mehmon asosiy etiborni 12 sentyabr kuni Toshkentda o'tadigan O'FF prezidentligi uchun saylovga qaratdi. Aminovning fikriga ko'ra saylov FIFA reglamentiga mos ravishda o'tishi shart, aks holda bu "o'zbek futboliing ortga ketishiga sababchi" bo'lar ekan.

Bundan tashqari, Aminov futbol klublarini hususiylashtirish tarafdori. Uning taklifiga ko'ra klublar kuchli futbolchilarni tarbiyalab ularni xorijga sotish orqali o'zini o'zi moliyalashtirishi kerak. Klublardan imkon qadar davlat byudjetidan kamroq pul olishga chaqirmoqda.

"Terma jamoa JARda mashg'ulot o'tkazadi, mehmonxonada yashaydi... Uysiz, bazasiz jamoa.. Ulardan yana qanday natija kutayapsiz?" deydi Aminov.

"Har yili O'zbekistonda davlat futbol uchun 70 mln dollar ajratadi. Bu pullar qaerga ketadi?"

"O'zbek futboli foyda keltirishi mumkin edi".

"Rivojlangan mamlakatlarda davlat futbolga pul ajratmaydi".

Video. Birinchi qism.

Suhbatning ikkinchi qismida Alisher Aminov mamlakatimizdagi futbol boshqaruvini kuzatib o'z fikrlarini bildirdi.

Bundan tashqari Aminov jurnalistlarni ham davlatda futbol rivojlanishi yoki aksi uchun javobgar deb hisoblashini malum qildi.

Suhbat jarayonida biz Aminovga noqulay savol berdik - uzoq vaqt davomida u O'FF va o'zbek futboli haqida yaxshi fikrda bo'lib keldi, biroq uning fikri keskin o'zgarib qoldi. Bunda uning tog'asi Rustam Akramovning O'FFdan ketishi rol o'ynagan degan taxminlar bor edi. Aminov esa bu savolga dastlabki yillarda bu erdagi vaziyatdan yaxshi xabardor bo'lmagani, oxirgi yillarda barchasi o'zgarganini va o'zi tug'ilib o'sgan joyda futbol rivojini istashini malum qildi.

Aminov oldingi intervyularida shunday degandi: "Men O'zbekistonga lavozim uchun kelmadim. Shunchaki o'zim tug'ilib o'sgan va futbolga ilk qadamlaimni qo'ygan diyorga yordam berish niyatidaman".

Eslatib o'tamiz, hozirda Aminov Shveycariyada yashamoqda va o'sha erda "Huquqiy tashabbuslarni qo'llab-quvvatlash xalqaro fondi" vice-prezidenti lavozimida ishlamoqda.

Video. Ikkinchi qism.

Matluba Mustaeva suhbatlashdi

Alisher Aminov o'zbek futboli haqida nimalar deydi? VIDEO