Garchi unga Superliga jamoalaridan takliflar, qiziqishlar bo'lganiga qaramay futbolchi qarorini o'zgartirmadi. Alisher Jalilovning o'zi fikrlarimizni tasdiqlagan holda yana bir nechta savollarimizga javob berdi.

- AGMKdan ketish rejasi avvaldan bor edimi? Kutilmagan desak bo'ladimi? Klubda kim qo'llab-quvvatladi?

- Yo'q, to'g'risini aytsam AGMKga o'tganimda "Istiqlol"ga qaytishni istagan edim. Bu haqida yozdan beri o'ylap kelyapman. Lekin Bahodir Mirzaevning qo'llab-quvvatlashi tufayli jamoada to'p tepishni va mashg'ulotlarni davom ettirdim. Yanvar oyidagi yig'in oldidan ham AGMKni tark etmoqchi ekanligimni bildirgandim, deya olaman.

- Bu jamoada o'ynash o'sish bo'ldimi yoki pasayish?

- AGMKda ishlash faoliyatimdagi eng yomon o'tish sifatida tarixda qoldi.

- Mirjalol Qosimovning o'ziga hosligi nimada edi? Ajablantirgan jihatni sezdingizmi?

- Mirjalol Qosimov meni hech qanday ajablantirmadi. Keling shu savolning javobini izohsiz qoldiraylik.

- "Istiqlol"ga qaraganda individual mahoratingizni ko'rsatish Olmaliqda bir muncha qiyin kechgani nima bilan bog'liq?

- "Istiqlol"da hamma jamoa uchun o'ynaydi. Ko'proq jamoaviy o'yinga ega bo'lardim. AGMKdagi yigitlar meni yaxshi qabul qilishdi. Ular bilan birga o'ynash, mashg'ulotlarda ishtirok etish menga manzur keldi. Hammasi uchun do'stlarimga rahmat. O'yinimga kelsak, AGMKda murabbiy menga ishonmadi. Harkatlarim o'xshamadi. "Istiqlol"dagilar esa hamma o'yinimni biladi. Bu klubda ko'p narsalarga erishganman. Tezroq qaytishni istadim. Klub prezidenti Shohruh Saidzodaning taklifidan so'ng zarracha ham o'ylab o'tirmadim.

- Tojikiston chempionatida o'z darajangizni ko'rsatib bo'lgansiz. Balki yanada oldinga intilishingiz kerak emasmidi?

- Buni ortga tashlangan qadam demayman. Biz OCHLda o'ynaymiz, o'z maqsadlarimiz bor. Jamoaga yangi murabbiy Igor Cherevchenko keldi. Hammasi yaxshi bo'lishiga ishonaman.

- "Bunyodkor" sizni o'z safida ko'rishni istagan ekan. Bu transfer nima uchun amalga oshmadi?

- Men o'z qarorimni qabul qilib bo'lgan edim. Chempionlar Ligasida o'ynash istagi kuchlilik qildi. "Bunyodkor"dan qiziqish bo'lgani rost.

Alisher Jalilov: "AGMK faoliyatimdagi eng yomon o'tish. Qosimov meni ajablantirmadi"