Алишер Латипов: "Хатолар туфайли голлар ўтказиб юбордик. Иккинчи бўлимда ўйинни ўзгартиришга ҳаракат қилдик, бироқ бундай бўлмади. "Шўртан"ни ғалаба билан табриклайман. Ушбу ўйинни эсдан чиқариб, баҳсни таҳлил қилиб, "Машъал"га қарши баҳсга тайёргарликни бошлаймиз".

- Биринчи голда тўпга ким улгуриши керак эди, дарвозабонми ёки ҳимоячи?

- Биринчи гол хатолар кетма-кетлиги туфайли содир бўлди.

- "Юниред" тезкор голдан сўнг ўзини йўқотиб қўйдими?

- Йўқ, вазиятлар бўлди, ҳаракат қилдик, бироқ омад ҳам биз томонда бўлмади.

- Бугун урилган голларнинг барчаси чап қанотдан содир бўлди. Ўзгариш қилишга уриниб кўрдингизми?

- Айни дамда таркибимизда жароҳат олганлар бор, шу сабабли ўзгартиришга имконият бўлмади.

- Белгиланган пенальти бўйича эътирозингиз борми?

- Қандай эътироз бўлиши мумкин. Таркибдаги йўқотишлар ўз сўзини айтди.

- Жамоанинг мавсум олдидаг мақсади қандай эди?

- Мавсум олдидан кучли бешликка кириш вазифаси қўйилганди.

Алишер Латипов: "Биринчи гол хатолар кетма-кетлиги туфайли содир бўлди"