O'yin haqida

Bugun mavsumdagi birinchi g'alabani qo'lga kiritdik. Bizga bitta g'alaba zarur edi. Ko'rdinglar, o'tgan turlarda ham yomon o'yin ko'rsatmagan edik. Jamoamiz sekin optimal formaga kirib bormoqda. Bugun kuzatgan bo'lsangizlar, uchrashuvning birinchi bo'limida jamoamiz qisqa uzatmalar orqali biz talab qilgan o'yinni ko'rsatib berishdi. O'yinga tayyorlagan g'oyalarimiz ish berib birinchi bo'limning o'zida raqib darvozasiga javobsiz ikkita to'p yo'llagandik. Maydon chimi borasida ozgina etiroz bor, agar shu omil tasir ko'rsatmaganida balki yanada yaxshiroq o'ynardik.

- O'yin davomida ko'p asabiylashdingiz. Bu nima bilan bog'liq?

- Asabiy xolat bu futbolchilarning oddiy vaziyatlarda ham xato qilishidan kelib chiqdi. Jamoadoshiga uzatmalarida kamchiliklar yuzaga kelishi meni asabiylashtirdi.

- "Oq-tepa" klubi o'zining titul xomiysiga ega bo'lishi borasida qanday ishlar amalga oshirilmoqda?

- Titul xomiy masalasi bo'yicha bizda harakat boshlangan. Hozir qidirayapmiz, yaxshi takliflar bo'lsa albatta ko'rib chiqamiz. Lekin hozircha bizda xomiy yo'q, hamma harajatlar klubning o'z zimmasida. Biz uy o'yinlarimizni "To'qimachi" stadionida o'tkazib kelayotgandik. Hozir stadion bo'yicha ozgina muammolar yuzaga keldi. Balki endi u stadionda o'ynamasligimiz ham mumkin.

- Avaz Agaliev ikkinchi bo'limning oxirlarida jarohat bilan o'ynagandek ko'rindi...

- Avaz Agalievda qishki yig'inimizning oxirida tarkibimizga qo'shilgandi. U sekin-sekin jamoamizga moslashib bormoqda. U 6-7 oy futbol o'ynamadi, vaqt mobaynida optimal formasiga chiqib oladi.

Alisher Shog'ulomov: "Bizda "To'qimachi" stadioni bilan bog'liq muammo bor"