"Birinchi o'rinda jamoamizni g'alaba bilan tabriklayman. Boisi beshta uchrashuvdan beri g'alaba qozona olmayotgan edik. Jamoamizda katta o'zgarishlar bo'lgani sababli o'yinlarimiz qovushmayotgandi. Avvalgi uchrashuvlarda yaxshi o'yin ko'rsatgan bo'lsakda natija o'xshamayotgandi. Bugun ochiq o'yin ko'rsatishga qaror qilmadik. Himoyadan o'ynashga harakat qildik va belgilagan vazifani bajardik

Ha, aytganimdek yangi murabbiy kelgach jamoada katta o'zgarishlar bo'ldi. Jamoa shakllanmoqda. Ispan uslubi ostida mashg'ulotlarni o'tkazmoqdamiz. Murabbiy ham kelayotganda o'zining uslubini singdirishi uchun vaqt kerak bo'lishini aytgan edi. Bu yil asosiy etiborni yoshlarga qaratmoqdamiz va keyingi yilga jamoani tayyorlayapmiz. Ispaniyalik murabbiyni ayrim sabablarga ko'ra ro'yxatdan o'tkaza olmadik.

Jamoamizda ayrim muammolar paydo bo'ldi. Ayrim xodimlarimiz koronavirusga chalindi. Shifokorimiz oilaviy sabablarga ko'ra jamoamizni tark etdi. Bundan tashqari bir nechta futbolchimiz koronavirusga chalindi va hozirda izolyaciyada. Shu sababli ular bugun qaydnomaga kiritilmadi.

Ispaniyalik murabbiy o'yindan oldin kelganimdan beri hali yutmadik, men omadsiz murabbiymanmi deya o'zidan hafa bo'ldi. G'alaba qozonganimizdan keyin esa unday emasligini tushundi.

Jamoamizga ispaniyalik murabbiy kelmasidan avval ham o'sha uslub ostida ishlardik, shaxsan o'zim to'p nazorati, qisqa va uzun paslarga asosalangan futbolni yaxshi ko'raman. Bugun esa teskarisi bo'ldi. Bunga o'zimiz qaror qildik. Chunki, avvalgi o'yinlarda to'p nazorati biz tomonda bo'lishiga qaramasdan yakunda mag'lubiyatga uchrayotgandik.

"Sho'rtan" yaxshi shakllangan jamoa, o'zim ham shu erda to'p tepganman. Asror Aliqulov juda yaxshi mutaxassis, ajoyib murabbiy. Ulardan ko'p narsa o'rganishni istayman. Futbolchilik faoliyatlarida ham yaxshi himoyachi bo'lganlar. Himoyani qanday tashkil qilish borasida ushbu inson bilan maslahatlashishim kerak. Yangi murabbiyning oldiga bu yil o'yinni yo'lga qo'yish vazifasi qo'yilgan. Hozirda akademiyamizga ham etibor qaratmoqdamiz",- deydi Alisher Shog'ulomov.

Alisher Shog'ulomov: "Bugun ochiq o'yin ko'rsatishga qaror qilmadik"