Леверкузеннинг "Байер" клуби бош мураббийи Хави Алонсо Германиянинг нуфузли "Kicker" нашри талқини бўйича йилнинг энг яхши мураббийи деб топилди.

Хабар қилинишича, Алонсо 503 та овоз олган. Унинг энг яқин таъқибчиси, "Штутгарт" устози Себастьян Хёнесс атиги 74 та овозга эга бўлган. Учинчи ўрин 50 та овоз тўплаган "Хайденхайм" бош мураббийи Франк Шмидтга насиб этди.

Эслатиб ўтамиз, Хаби Алонсо 2023/24 йилги мавсумда "Байер" билан клуб тарихидаги илк Германия чемпионлигини қўлга киритди, шунингдек, Германия Кубогини ютди ва "қора-қизиллар"ни Европа Лигаси финалига олиб чиқди.

Алонсо нуфузли нашр талқинида йилнинг энг яхши мураббийи бўлди