Bugun Germaniya Bundesligasida mavsum o'z nihoyasiga etadi. Oxirgi 34-tur bugun Toshkent vaqti bilan 18:30da start oladi. Turdan o'rin olgan 9 uchrashuvning barchasi bir vaqtda boshlanadi.
So'nggi tur oldidan Bundesligada 1, 4 va 5-o'rin egalari aniq bo'lib ulgurgan. "Bavariya" va "Shtutgart" esa 2 va 3-o'rin uchun kurashadi. Bugunning eng katta intrigasi Leverkuzenda kutilmoqda. Xabi Alonso boshchiligida fantastik mavsumni o'tkazayotgan "Bayer" chempionatni mag'lubiyatsiz tugatishi mumkin. Buning uchun ular o'z maydonlarida "Augsburg"dan engilishmasa bo'lgani. Shu kungacha Germaniya futboli tarixida hech bir klub mag'lubiyatsiz chempion bo'lmagan. Bundan tashqari, Alonso shogirdlarini 22 may kuni tunda "Atalanta"ga qarshi Evropa ligasi finali va 25 may kuni "Kayzerslautern"ga qarshi Germaniya kubogi finali ham kutmoqda. Agar jamoa mana shu bellashuvlarda ham mag'lub bo'lmasa butun mavsum barcha musobaqalarda umuman yutqazmagan klub sifatida tarixga kiradi.
Germaniya Bundesligasi 34-tur uchrashuvlari:
18.05.2024, 18:30
"Bayer" - "Augsberg"
"Borussiya D" - "Darmshtadt"
"Ayntraxt F" - "Leypcig"
"Xaydenxaym" - "Kyoln"
"Xoffenxaym" - "Bavariya"
"Shtutgart" - "Borussiya M"
"Yunion Berlin" - "Frayburg"
"Verder" - "Boxum"
"Volfsburg" - "Maync"
Germaniya chempionati turnir jadvali va to'purarlar ro'yxati >>> BUNDESLIGA
Izohlar