- Barchaga salom! Ishoning buni sizlarga yozish men uchun oson emas. Birinchi navbatda "Yuventus"da menga ishonch bildirganlarga, meni qo'llab-quvvatlaganlarga, menga nisbatan yaxshi munosabatda bo'lib, "Yuventus"da o'zimni baxtli his qilishimga yordamlashgan insonlarga rahmat aytmoqchiman.

Klub prezidenti Andrea Anelli, Pavel Nedved, Jon Elkann, Juzeppe Marotta, Matteo Fabris, Fabio Paratichi, Xaver Ribaltu singari insonlarga katta rahmat deyman!

"Yuventus"da ishlaydigan hammadan minnatdorman! Shifokordan tortib oshpazicha, oddiy xodimidan tortib klub prezidentiga qadar rahmat!

Massimiliano Allegriga menga ishonch bildirgani uchun minnatdorchilik bildiraman. Allegri meni o'z kuchimga bo'lgan ishonchni oshirdi, meni futbolchi sifatida katta o'sishga erishishimda muhim rol o'ynadi. "Yuventus" futbolchilari, jamoa sardori men uchun qayg'urdi. Butun jamoadoshlarimga ming tashakkur. Ular bilan unutilmas daqiqalarni birga o'tkazdik. Katta yutuqlarga erishdik.

"Yuventus" ishqibozlari, bu jamoaning butun dunyodagi muxlislariga alohida rahmat! Ularning cheksiz muhabbatlarini doimo his etib turaman.

Men "Yuventus"ning bir bo'lagi sifatida qolaman. Klub tarixidan joy oldim, deb o'ylayman. Qaerga ketmay, qaysi klubda o'ynamay o'zimni "Yuventini"dek his etaveraman.

Men "Yuventus"da o'ynaganimni baland ovozda, bemalol katta faxr bilan aytishim mumkin.

"Yuventus" oilasining bir bo'lagi bo'lish baxtiga muyassar etgan hammaga cheksiz minnatdorchiligimni bildiraman. Barchaga katta rahmat!

Hurmat bilan Alvaro Morata!

Alvaro Morataning "Yuventus"ga, turinlik "tiffozilar"ga yozgan maktubi