- "Барселона", "Атлетико" каби жамоалар сиз билан боғлана бошлашдими?

-Бундай клублар билан боғланаётганим билан фахрланаман. Ҳозир "Фиорентина"да ўйнаяпман. Ўз клубимни жуда ҳурмат қиламан, бу ажойиб жамоа.

Бизда қойилмақом мураббий [Винченцо Итальяно] ва мени "Фиорентина"га олиб келган хўжайин Рокко Коммиссо, шунингдек, Жо Бароне [клуб бош менежери] ва Даниэле Праде [спорт директори] билан ажойиб муносабатдаман. Мен уларни ва клубни жуда ҳурмат қиламан.

- Аммо Симеоне ўз услубидаги футболчиларни яхши кўриши рост...

- "Фиорентина"да ажойиб мураббийим бор. Мен бошқалар ҳақида гапиришни ёқтирмайман.

Аммо Симеоненинг ишига қаранг, у нимага эришди? У кўп йиллардан буён "Атлетико"га мураббийлик қилмоқда. Менга унинг ўйин услуби ёқади. У жуда кўп ғалаба қозонди, уни жуда ҳурмат қиламан. Унинг жамоасидаги футболчилар жисмонан кучли ва тажовузкор. Менга бундай ўйин ёқади.

- Сизнингча, Марокаш ва "Атлетико" қайсидир жиҳати билан ўхшашми?

- Ҳа, Марокаш "Атлетико" каби ўйнашини ўқидим. Балки биз кучли ҳимоя туфайли ўхшашдирмиз. Ҳар доим шундай ўйнашни яхши кўришимни айтганман.

Менимча, ҳа, балки "Атлетико" ва Марокаш ўхшашдир, шунингдек, услуб ҳам Гаттузо жамоаларига ўхшайди. Ҳар бир мураббийнинг ўзига хос услуби бор.

Амрабат: "Менга Симеоненинг ўйин услуби ёқади"