Ispaniya UEFA va FIFA shafeligidagi turnirlardan chetda qolishi mumkin, deb xabar berdi AS. Tashkilotlar mamlakat hukumatining futbol faoliyatiga aralashuvidan xavotirda.
O'tgan haftada Ispaniya hukumati Ispaniya qirollik futbol federaciyasi (RFEF) prezidenti o'zgarishi va tashkilotdagi inqiroz sharoitida nazoratni qo'lga olish uchun maxsus qo'mita tuzdi. Unga sobiq bosh murabbiy Visente Del Boske boshchilik qilishi belgilandi.
Bu holat UEFA va FIFAni tashvishga solmoqda. Ular hukumatning RFEF faoliyatiga aralashuvi qonuniyligi borasida hafta oxirigacha javob berishni talab qilishdi. Agar tashkilotlar javobdan qoniqishsa, unda hech qanday sankciyalar qo'llanmaydi.
Agar UEFA va FIFA hukumat rasmiylarining aralashuvini noqonuniy deb hisoblasa, Ispaniyani o'zining turnirlaridan chetlashtiradi. Shuningdek, mamlakat Evro-2030 o'yinlarini tashkil etish va o'tkazish huquqidan mahrum qilinadi.
Izohlar