"Men xafa emasman, baxtli holda ketyapman. Bu erda qilgan barcha ishlarimizdan baxtliman. Minnatdorman. Bu ajoyib davr bo'ldi.
Klub va prezident bilan hech qachon muammolarim bo'lmagan, hamma narsa kelishilgan edi. Hammasi yaxshi. Florentino Peres birinchi kundan to oxirgi kungacha meni qo'llab-quvvatladi.
Ertaga juda hissiyotli kun bo'ladi. Agar yig'lasam, ko'zyoshlarimni yashirmayman. Bu kunni Luka bilan baham ko'raman... afsona, fantastik o'yinchi. Luka bilan xayrlashuv ajoyib bo'ladi.
Aytish mumkinki, Modrichning ketishi bilan "oltin" avlod davri yakunlanmoqda. Karvaxal hali ham jamoada, biroq u hozirda jarohatda. Ammo futbol hayoti shunday – vaqti kelib har qanday avlod ketadi. Bundan oldin Kazemiro, Krishtianu Ronaldu ham ketgan edi... Shunday bo'lsa-da, "Real" dunyodagi eng yaxshi klub bo'lib kelgan, hozir ham shunday va bundan keyin ham shunday bo'lib qoladi.
Xabiga barcha yaxshiliklarni tilayman. Unda bu jamoani boshqarish uchun zarur bo'lgan sifatlar bor va umid qilamanki, bu unga yoqadi.
"Real"dagi eng yaxshi o'yin? Aytish juda qiyin. Biz barchamiz PSJ, "Chelsi" va "Siti"ga qarshi remontadalarni eslaymiz. Buni unutib bo'lmaydi.
Mening "Real" bilan asal oyim abadiy davom etadi – bu mening hayotimdagi klub", – dedi Anchelotti.

Rasman: "Real" Anchelotti ketayotganini elon qildi

Anchelotti: "Futbol hayoti shunday – vaqti kelib har qanday avlod ketadi"