"Шу кунга қадар “Андижон-2” ПФК масъулияти чекланган жамияти юридик номи билан фаолият юритиб келаётган жамоамизнинг номи ўзгарди.
Жамоа бош хомийси Андижон ширин газ сервис корхонаси бўлганлигини инобатга олиб, клуб таъсисчиларининг таклифига биноан юридик номга ўзгартириш киритилди.
Унга кўра, жамоамиз эндиликда "Андижон-SGS" ПФК масъулияти чекланган жамияти номи билан қайд этилади.
Бу бўйича давлат хизматлари агентлигидан клуб низомига ўзгартириш киритилиб, қайта рўйхатдан ўтказилди. Шунингдек жамиятнинг мухр ва штампи ҳам янгиланиб, ЎзПФЛга тақдим этилди.
Шуни инобатга олиб, оммавий ахборот воситалари ва футбол жамоатчилигини жамоамизнинг юридик номи ўзгаргани ҳамда шу билан бирга клуб рамзига ҳам кичик ўзгартириш киритилгани билан хабардор этишни лозим топдик", -дейилади клуб баёнотида.

"Андижон-2" клуби номи ўзгарди