Jamoa transfer oynasini yopganini malum qildi. Bosh murabbiy tomonidan tanlab olingan, 25 nafar futbolchi O'zPFLning ro'yxatidan o'tkazib bo'lindi. Aytish kerakki, tarkibda yuzaga kelgan raqobat tufayli zaxirada qolib ketishi kutilgan ayrim umidli futbolchilar rahbariyat va murabbiylar shtabining qaroriga muvofiq, boshqa jamoalarga ijaraga berildi.

Xususan himoyachi Qahramon Mahamadjonovga Farg'onaning Istiqlol jamoasi qiziqish bilan chiqqach, 28 yoshli futbolchi ushbu jamoaga bir yil muddatga ijaraga berildi. Undan tashqari andijonlik iqtidorli futbolchilar - Baxtiyor Qosimov bilan Jahongir Mahsudov Pro-liganing B guruhida ishtirok etuvchi Xotira-79 jamoasiga ijaraga berildi. Ushbu futbolchilar birinchi davrada yanada ko'proq o'yin amaliyotiga ega bo'lib, o'yin saviyasini oshirsa, keyinchalik yana Andijonga qaytishi mumkin. Andijon futbol klubi yuqorida nomlari keltirib o'tilgan futbolchilarning kelgusi faoliyatiga omad tilaydi.

Andijon matbuot xizmati.

Andijon bir qator futbolchilarini ijaraga berdi