Unda Viloyat futbol associaciyasi, “Andijon” futbol klubi rahbariyati, futbolchilar hamda Andijon Davlat Universitetining rektor, dekan, ustoz va talabalari ishtirok etdi.

Malumki, “Andijon” futbol klubining bir qator o'yinchilari ilgari aynan ushbu oliy dargohda talim olgan va bugungi kunda ham universitetda bir nechta futbolchi talabalarimiz mavjud.

Mazkur uchrashuvni tashkil etishdan ko'zlangan maqsad, “Andijon” futbol klubi va ADU o'rtasidagi hamkorlikni yanada rivojlantirish hamda ikki tomonlamalik foydali loyixalarni amalga oshirishirdir.

“Andijon” futbol klubi rahbariyati oliy dargohga tashrif buyurar ekan, mehmonlarni universiteti rektori Akromjon Yuldashevning shaxsan o'zi kutib oldi va tashrifdan mamnun ekanligini yashirib o'tirmadi.

Konfereniya zalida tashkil etilgan ochiq suhbat jarayonida Viloyat futbol associaciyasi vice-prezidenti Bekzodbek Karimov, “Andijon” futbol klubi vice-prezidenti Marufjon Abdisalomov, “Andijon” FK bosh direktor o'rinbosari Arif Mamatkazin, bosh murabbiy Aleksandr Xomyakov va jamoaning faxriy futbolchisi, bugungi kunda ADU talabasi bo'lgan Ibrohim Otaxonov tadbirda so'z olib, o'z fikrlarini bildirib o'tdi.

O'z navbatida universitet rektori A.Yuldashev ham jamoa faoliyatiga befarq emasligini, har bir uchrashuvda qo'llab-quvvatlab, muvaffaqiyatga erishilganida quvonayotganini yashirib o'tirmadi.

ADU talabalari ham tadbirda o'ziga berilgan imkoniyatdan unumli foydalanib, bosh murabbiyga turli savollar va tilaklarini bildirib o'tganini aytish lozim.

Mazkur uchrashuv chog'ida “Andijon” FK va Andijon Davlat Universiteti o'rtasida o'zaro memorandum imzolandi. Unda har ikki tomon bir qator yo'nalishlar bo'yicha hamkorlik qilishga kelishib olindi.

Xususan, “Andijon” FK va viloyat futbol associaciyasining amaliy ko'magi bilan kelasi yil viloyat birinchiligida universitet jamoasi ishtirok etadigan bo'ldi.

Uchrashuv so'nggida “Andijon” futbol klubi vice-prezidenti Marufjon Abdisalomov klub ramzi tushirilgan bir qator estalik sovg'alarini jamoa nomidan Andijon Davlat Universiteti rektori Akromjon Yuldashevga taqdim etdi.

O'z navbatida universitet nomidan ham rektor A.Yuldshaev “Andijon” FK vice-prezidenti M.Abdisalomovni mamlakatimizda sportni, xususan futbolni rivojlantirishda qo'shib kelayotgan xissalarini doimo yuksak qadrlashini ifoda etib, maxusus diplom bilan taqdirladi.

Tadbir shu tariqa samimiy va ishchan ruxda yakuniga etdi.

“Andijon” FK va ADU o'rtasida o'zaro memorandum imzolandi