Mazkur bahs Andijondagi "Sog'lom Avlod" stadionida o'tkaziladi. "Andijon" uchun ilk uy o'yini bo'lgani tufayli ochilish uchrashuviga aylanajak bellashuvga bo'lgan qiziqish nihoyatda yuqori. O'yin oldidan bugun "Sog'lom Avlod" stadionida ochilish marosimi o'tkaziladi va unda estrada yulduzlari kuy-qo'shiq kuylashadi. Bugungi futbol bayrami munosabati bilan Andijon viloyat hokimi Shuhratbek Abdurahmonov tushdan keyin barchaga dam elon qilgan.

Ayni paytda stadionga muxlislar oqimi davom etmoqda.

Uchrashuvga chiqarilgan chiptalar narxlari toifasiga qarab 25, 30, 40 mingdan sotilmoqda. VIP toifadagi chiptalar esa 60 mingdan sotilmoqda.

Eslatib o'tamiz, "Andijon" - "Nasaf" uchrashuvi soat 17:00da start oladi.

Ildar Sakaev boshchiligidagi "Andijon" jamoasi Superliganing 4-turidan so'ng birorta g'alabaga erishmay, safarda ikki bor durang qayd etishgan va 2 ochko jamg'argan holda turnir jadvalining pastki qismidan joy olishgan. Bugun ular o'z uylaridagi ilk bahsni "Nasaf"ga qarshi o'tkazishadi.

Andijonda bugun futbol bayrami: Hokim tushdan keyin barchaga dam elon qilgan