Zavod ishchi xodimlari o'rtasida sog'lom turmush tarzini takomillashtirish va qo'shma korxonalar o'rtasida do'stlik rishtalarini yanada mustahkamlash hamda O'zbekiston respublikasining mustaqillik bayramini keng tarzda nishonlash maqsadida o'tkazilib kelinayotgan musobaqada jami sakkizta jamoa ishtirok etmoqda. Xususan “GM-Uzbekistan”, “Uz Dong Ju”, “Uz Tong Xong ” “Uz Dong Yang”, “Uz Xang Vu”, “Uz Sem Yung”, “Uz Koram” hamda “Uz Dong Vong” havaskor jamoalaridir.
O'z vaqtida oliy va birinchi liga klublarida o'ynab muxlislarga yaxshi tanish bo'lgan bir qator futbolchilarni ushbu turnirda ishtirok etayotganini aytish lozim. “Andijon”, “Neftchi”, “Mashal”, “Qizilqum” singari elita jamoalarida o'ynagan tajribali hujumchi Anvar Abduqodirov, “Andijon” va “Buxoro”da to'p tepgan Elyor Rahmatullaev, “Andijon” va “UzDongJu” sharafini himoya qilgan Ahror Iminov ayni damda “UzTongXongKo” jamoasi sharafini himoya qilayotganini aytish lozim. Ushbu jamoaga taniqli sobiq futbolchi Otabek Qilichev ustozlik qilib kelmoqda.

Turnir tashkilotchilari. Chapdan o'ngga. Anvar Marajabov, Shuhrat G'aniev...

“UzDongJu” jamoasida esa o'z vaqtida oliy ligada “Andijon” va “Navbahor” uchun to'p tepgan himoyachi Azamat Isaevni ko'rish mumkin.

Aytish kerakki, o'z vaqtida oliy ligada o'ynagan professional futbolchilarning bugungi kunda havaskorlar jamoasida o'ynashi, qaysidir manoda turnirning jozibali va shiddatga boy o'tishida xizmat qilmoqda.

"UzXangVo" jamoasi

Mazkur “Mustaqillik Kubogi-2016” turniri aslida 2011 yili viloyat futbol federaciyasi tomonidan tashkil topgan. Keyinchachalik 2012 yildan buyon Uzavtosanoat tomonidan o'tkazilib kelinmoqda.

Mazkur turnirga bo'lgan qiziqish yuqori deyish mumkin. “Andijon” FK rahbariyati ham musobaqaga befarq emas. Klub-vice prezidenti Abdisolomov Marufjon Jamoldinovichning shaxsan o'zi o'yinlarni bevosita stadiondan turib kuzatib borayotganini aytish lozim.

"Uz Dong Ju" jamoasi

Ushbu turnirning yuqori saviyada o'tishi uchun “GM-Uzbekistan” qo'shma korxonasi tomonidan masul sifatida biriktirilgan sobiq futbolchi Shuhrat G'aniev va taniqli hakam, bugungi kunda oliy liga laynsmeni, Andijon viloyati futbol federaciyasida bo'lim boshlig'i sifatida faoliyat yuritib kelayotgan Anvar Marajabov astoydil ishlamoqda.

Bugun tushlikka qadar ikkita o'yin bo'lib o'tdi. Har ikki bahsni ham oliy liga toifasidagi hakam Temur To'xtasinov boshqarib borgani etiborga molikdir.
Andijon shahridagi Sho'rbuloq dahasida joylashgan “Futbolga ixtisoslashtirilgan maktab-internati”ning suniy qoplamali maydonida o'tgan bellashuvlar keskin va murosasiz ruh ostida o'tdi. Har bir jamoa g'alaba uchun bor kuch g'ayratini ishga solgani uchrashuv chog'ida bilinib turdi.

"Uz Tong Xong" jamoasi

"Uz Tong Xo" - "U Dong Yang" o'yini oldidan

1-turda quyidagi natijalar qayd etildi
“Uz Dong Ju” – “Uz Tong Xong” 0:3
“Uz Sem Yung” – “Uz Xang Vu” 0:1
“GM-Uzbekistan” – “Uz Dong Vong” 4:0
“Uz Dong Yang” – “Uz Koram” 5:2

Islombek Rustambekov.

Andijonda “Mustaqillik Kubogi-2016” turniri boshlandi