Yaqinda u Moskvaga tashrif buyurdi va Nike K11 jamoasi uchun master klass uyushtirdi. Shu bilan birga, Zenit va Arsenalning sobiq futbolchisi Ros-siyaning barcha hududlaridan tashrif buyurgan yosh futbolchilarni qiziqtirgan savollarga javob berdi.

- Yulduzlik kasali bilan qanday kurashasiz?

- Juda oson. Chunki menda yulduzlik kasali - tug'ma.

- Bu bilan nimani nazarda tutyapsiz?

- O'ylashimcha, butun hayotim davomida o'zgarmadim. Shu bois ham yulduzlik kasali tug'ilganimdan beri bor, deyishim mumkin.

- Arsenal joriy mavsumda Angliya chempioni bo'la oladimi?

- Bu yil yo'q. Menimcha, Manchester Siti chempion bo'ladi.

- Siz birga o'ynagan eng kuchli futbolchi kim?

- Sesk Fabregas.

- Qarshi o'ynagan-chi?

- Messi.

- Barselonaga qarshi o'ynash qanaqa?

- Faqat to'pni olib qo'yish haqida o'ylaysiz.

- Angliya hayotiga moslashib ketishingiz qiyin bo'lmaganmi?

- Bu borada ingliz do'stlarim yordam berishgan. Arsenalda esa ko'proq Per Mertezaker, Lukash Podolski va Tomash Rosickilar bilan muloqot qilardim.

- Nima uchun Rossiya terma jamoasi 2008 yildan buyon o'zining yorqin o'yinlarini namoyish qila olmayapti?

- Yaxshisi, gapirmaganim maqul.

Shundan so'ng Arshavin bolalar bilan maydonga yo'l oldi va birga suratga tushdi. Keyin esa jurnalistlarning savollariga javob berdi.

- Qayrat Rossiya chempionatida qaysi o'rinda bo'lardi?

- Aytgancha, qozog'istonlik futbolchilar ham bu borada ko'p so'rashadi. Menimcha, ikkinchi sakkizlikda bo'lardi.

- Rossiya chempionatiga qaytish istagi bormi?

- Menimcha, poezdim ketib bo'ldi. Men istagan jamoaga olishmaydi. Meni olishi mumkin bo'lgan jamoaga esa bormayman.

- 2017, 2018 yillarda terma jamoa nimalarga erishishi mumkin? Taklif olishga umid qilyapsizmi?

- Bu poezd oldingi bekatdayoq ketib bo'lgan. Terma jamoani ikkita turnirda tomosha qilish qiziqarli bo'lsa kerak. Lekin qanday ishtirok etishi haqida esa hozircha bir nima deb bo'lmaydi.

- Pavlyuchenko Uralda gol uryapti...

- Uralga endi bormayman. Pavlyuchenkoning mahorati bor va jamoaga yordam berishi mumkin. Unda ikkita vaziyat bo'ldi. Har ikkisida ham to'p darvoza to'ridan joy oldi. To'g'ri, bittasini inobatga olishmadi. Jonatasda esa uch-to'rtta vaziyat bo'ldi va u darvozadan yuqoriga tepib yubordi.

- Bu Rossiya chempionatidagi legionerlar saviyasiga shamami?

- Bu menejmentga borib taqaladi. Umuman olganda, Rubindagi oltinchi raqamli futbolchi (Serxio Sanches)ni ko'rib hayron qolaman. Jamoaning nechta o'yinini ko'rgan bo'lsam, biror marta ham na yuqoridagi, na pastdagi kurashlarda ustun keldi. Birinchi pas bordir deb o'ylagandim. U ham yo'q ekan. Agar aytaylik, Burlak o'ynaganida undan yomon harakat qilmasdi va o'n baravar arzon bo'lardi.

- Siz hali kuchingiz borligi uchun o'ynayapsizmi yoki pul kerakligi uchunmi?

- Unisi ham, bunisi ham. Lekin sizlar meni ko'p ishlab topadi deb o'ylaysizlar. Agar qanchaligini bilmoqchi bo'lsangiz, sobiq xotinimdan so'rang va u aytgan summani ikkiga ko'paytiring.

- Sizga Zenitning yangi stadioni oldida yodgorlik qo'yishlari mumkinligi haqidagi xabarlarga qanday izoh berasiz?

- Bizning mamlakatda faqat o'lganlarga yodgorlik qo'yishadi.

- Siz unga haqlimisiz?

- Bilmasam. O'zimga o'zim baho berolmayman.

- Xayrlashuv uchrashuvi haqida o'yladingizmi?

- Menda xayrlashuv uchrashuvi bo'lmaydi. Nima uchunligini bilmayma-nu, lekin bo'lmaydi.

- Qozog'iston moliyaviy tarafdan Xitoyga qanchalik yaqin?

- Uzoq. U erda ham Rossiyadagi singari inqiroz hukmron.

- Chin yurtida o'ynashni istarmidingiz?

- Xitoydan bir necha bor taklif bilan chiqishgan. Lekin rad javobini berganman. Umuman olganda, bu mamlakat men uchun emas. U erga hech qachon bormayman.

- Zenit menejmentida ishlash istagi qolganmi?

- Ha.

- Murabbiy bo'lishni istarmidingiz?

- Mendan yomon murabbiy chiqadi.

- Nima uchun?

- Chunki...

Intervyuning to'liq qismini "InterFutbol" saytida o'qish mumkin.

Andrey Arshavin: Mendan yomon murabbiy chiqadi