- Keskin kurashlarga boy o'yin bo'ldi, - deb gap boshladi Fyodorov – Shogirdlarim yaxshi o'yin namoyish etishdi. Ularning o'yinidan qoniqdim. Faqat bugun ular ko'p xis-xayajonga berilishdi. Balki ushbu holat ularning chiroyli futbol ko'rsatishiga halal bergandir. Futbolchi extiroslarini jilovlay bilishi kerak. “Hokim kubogi” turniri tayyorgarlik vazifasini o'tab beradigan musobaqa bo'lsada yigitlar final bellashuvida borini berib, yurakdan o'ynashdi. Ularga rahmat. Natijadan esa qoniqdim. Fikrimcha, finalga xos o'yin bo'ldi. O'tgan yili “Neftchi” finalda oson g'alabaga erishgandi. Bu safar esa zafar quchishimiz oson bo'lmadi.

- Yana yangi o'yinchilar olasizmi ?

- Selekciya davom etmoqda. Toshkentdagi yig'in davomida yana bir qator futbolchilarni ko'rikdan o'tkazamiz. Yangi nomlar bo'lib qolishi mumkin. Hammasini vaqt ko'rsatadi.

- Bugun kimni o'yini sizga yoqdi ?

- Alohida ko'rsatmagan bo'lardim. Bugun butun jamoa chin yurakdan o'ynadi. Yaxshi tarkibimiz bor. Ular bilan yuqori natijadar qayd etish mumkin. Faqat ishlashda davom etish lozim.

- Sardor Eminov bugun faol o'ynadi. Uni muxlislar ikkinchi Akmal Xolmatovga qiyoslashmoqda...

- Etibor uchun rahmat. Haqiqat ham Sardor yaxshi o'yinchi.

- O'yin taqdirini yagona penalti hal qildi. Tortishuvli penalti haqidagi fikringiz ?

- O'sha vaziyatni yaqqol ko'rdim. Penalti bor edi. Futbol qoidalari bo'yicha, jarima maydoni ichida to'p qo'lga teksa hakam penalti belgilashi kerak. “Qizilqum” futbolchilarining noroziligini to'g'ri tushunaman. Hakamning ushbu qarori ularning zarariga ishladi.

- Raqib legionerlari “Qizilqum”ga ustunlik berdi deb o'ylaysizmi ?

- Yo'q, “Qizilqum”ning xorijiy vakillarini yaqqol ustun tarafini ko'rmadim. Deyarli “Neftchi”ning maxalliy futbolchilari ulardan yaxshi o'ynadi. Bu mening shaxsiy fikrim. Futbolda oddiy qoida bor. Kim o'yinga yaxshi tayyorlansa va kuchli bo'lsa o'sha g'alaba qozonadi. Demak, “Neftchi” “Qizilqum”dan kuchli ekan, - deb fikrlarini yakunladi “Neftchi” bosh murabbiyi Andrey Fyodorov.

Andrey Fyodorov: "Finalda biz kuchli edik"