UCHRASHUVGA TAYYORGARLIK JARAYONLARI

ANDREY FYODOROV: Aslida biz qolgan barcha o'yinlarni yuqori saviyada o'tkazishimiz kerak bo'ladi. Jamoamiz ikkinchi davrani juda ham past darajada boshlaganiga qaramay, so'nggi uchrashuvlarda o'z o'yinimizni topib oldik. Kuchli jamoalardan kam emasligimizni isbot qildik. Bunday muvaffaqiyatli o'yinlarning asosida, jamoaning mashg'ulotlarda barcha vazifalarni sitqidildan, shijoat bilan bajarilishida, deb bilaman.Umid qilamizki chempionatda qolgan uchrashuvlarda ham g'alaba qozonib, oldimizga qo'yilgan vazifani bajaramiz. Biz har bir uchrashuvga talab qilingan darajada tayyorgarlik ko'ramiz. “Nasaf” bilan ham jamoamiz murabbiylar shtabi belgilangan rejaga ko'ra tayyorgarlik olib bordi. Biz raqibni har tomonlama o'rganib chiqdik, ularning kuchli va kuchsiz tomonlarini hisobga oldik.

UCHRASHUV XAQIDA

ANDREY FYODOROV: Bugungi g'alaba bilan “Nasaf”ni tabriklayman. Uchrashuv teng kurashlar ostida o'tdi, bazan tashabbus biz tomonda bo'lsa, bazan Qarshiliklar faollroq bo'lishdi. Aslida bugungi uchrashuv durang natija bilan tugashi kerak edi. Men ishonch bilan aytaolmanki, bugun futbolchilarimiz kamida bir ochkoga mos o'yin ko'rsatishdi. Bizga bazi hollarda omad etishmadi. Biz yaratgan havfli vaziyatlar etarli edi, lekin bazi hollarda hujumchilarimizga mahorat etishmadi. Omad ham bizdan yuz o'girdi. Men jamoam ko'rsatgan o'yindan ko'nglim to'ldi. Biz, asta-sekin, katta vazifalarni bajara oldigan jamoa qurishda davom etamiz. Aslida, agar haqoniy baho beradigan bo'lsak, “Nasaf” bu mavsumda bizdan kuchli. Buni bu yilgi ikki uchrashuv natijasiga ko'ra, hamda jamoalarning egallagan o'rinlaridan ham bilib olish mumkin. Farg'onada bo'lib o'tgan birinchi davradagi uchrashuv singari, bugun ham “standart” vaziyatdan gol o'tkazib yubordik. Taymning so'nggi daqiqasida o'tkazib yuborilgan gol har qanday jamoa ruhiyatiga qattiq tasir ko'rsatadi. Futbolchilar tanaffusga bunday alamli, salbiy kayfiyat bilan chiqqanda, ularni o'ziga kelishiga gap topish qiyin bo'ladi. Yaxshi o'ynab turib mag'lubiyatga ham uchrash mumkin.

UCHRASHUVNING ENG YAXSHI FUTBOLCHILARI

ANDREY FYODOROV: Odatda, men biron bir futbolchini ajratishni yoqtirmayman, chunki futbolchi qanchalik kuchli bo'lmasin, bir o'zi futbol o'ynay olmaydi. Messiga ham sheriklari qulay vaziyat, imkoniyat yaratib bermasa, u bir o'zi g'alabaga erishishi mumkin emas. Lekin, shunga qaramay har kim o'z vazifasini bajarish kerak, agar jurnalist matbuot anjumanida biron bir savol berdimi, demak bu savolga javob olish uning uchun kerak va murabbiy imkon qadar savolni javobsiz qoldirmaslika xarakat qiladi. “Nasaf” jamoasida men jamoaviy o'yinni takidlagan bo'lardim. Bu yaxshi ko'rsatkich, axir futbol jamoaviy sport turi, boks yoki kurash bo'lsa, sportchi bir o'zi g'alaba qozonishi mumkin. Lekin shunga qaramay qarshiliklar orasida Erkin Boydullaevni alohida etirof etgan bo'lardim. Bugungi uchrashuvda Gevorkyanning yo'qligini Boydullaev bildirmadi va jamoaning haqiqiy “miya”si ekanligini isbot qildi. Barcha tashabbusni o'z qo'liga oldi. “Neftchi”da men bironta o'yinchini alohida ajratmayman. Yuqorida takidlaganimday, jamoamizdan barcha futbolchilarni eng yaxshilar qatorida ko'raman.

O'ZBEKISTON KUBOGI FINALI XUSUSIDA

ANDREY FYODOROV: O'zbekiston kubogi mavqeyi, obo'rsi O'zbekiston chempionatdan pastroq bo'lsa ham, lekin butun dunyoda bu musobaqaga katta qiziqish va etibor bilan munosabatda bo'lishadi. Ming afsus biz kutilmaganda, bunday nufuzli musobaqaning birinchi etapidayoq tark etdik. “Nasaf” esa beshinchi marta finalda o'ynashga munosib bo'ldi. So'ngi 5 mavsumda ketma-ket 4 marta finalga chiqish ham katta ko'rsatkich. Shu misolning o'zi ko'rsatib turibdiki, “Nasaf” qaysidir manoda “Kubok jamoasi”ga aylanib kelmoqda. Murabbiy OAVda biron bir jamoaga muhlislik qilishi to'g'ri bo'lmasa kerak. Men faqat “Neftchi”ga ishqibozlik qilaman. Agar chempionat jadvaliga nazar tashlab va bizning vazifga etibor bersangiz, o'zingiz bilib olasiz, bizga qanday natija kerakligini. Lekin shunga ham qaramay, bu uchrashuv o'z nomi bilan O'zbekiston kubogi finali, shuning uchun men har ikkala jamoaga ham omad va chiroyli futbol tilab qolaman.

Andrey Fyodorov: "Katta vazifalarni bajara oldigan jamoa qurishda davom etamiz"