"Жуда муҳим 3 очкони қўлга киритдик. Жамоа ўзига келмоқда, бу Тимур Кападзенинг келиши билан ҳам боғлиқ. Бизда авлодлар алмашинуви содир бўлмоқда. Бугун ўйин бўйича ҳам, натижа бўйича ҳам рақибдан устун келдик. Йигитларга раҳмат айтаман, улар барча кўрсатмани тўлиқ бажаришди. Жадвалда бироз юқорига кўтарилдик, имкон қадар кўпроқ очко олишда давом этмоқчимиз", - дейди Андрей Микляев.

- Жамоа бутун 90 дақиқа давомида прессинг қилди. Ҳатто ҳужумчилар ҳам. Футболчилар чарчаб қолишидан қўрқмадингизми?
- Балки сизга шундай туюлгандир, 90 дақиқа давомида прессинг қилиш қийин. Бугун 6 нафар футболчимиз майдонга туша олмади, жароҳат, дисквалификация туфайли. Кападзе майдон четида йигитларни олдинга бошлади ва рақиб майдонида прессинг қилишга уриндик.

- "Локомотив"нинг молиявий ҳолати яхшиландими?
- Бизда доим молиявий ҳолат бир маъромда бўлган. Пандемия даврида албатта шаҳар бўйлаб юриш қийин бўлди, аммо молиявий муаммо бўлмаганди.

- Дилшод Комилов ўйинига қандай баҳо берасиз?
- У ёш футболчи, ёшлар жамоасида ўзини кўрсатди. Зотеев ва Ҳошимов кетгач жой бўшади ва ёшларни асосий таркибга жалб қилаяпмиз. Биз янги футболчилар сотиб олмадик ҳамда ёшларга эътибор қаратдик. Бугун нафақат Комилов, балки бутун жамоа яхши ўйнади.

- Раҳбарият янги мураббийлар штабига аниқ мақсад қўйганми?
- Биз ҳозирча иккита ўйинда ғалаба қозондик. Жамоа кетма-кет мағлубиятга учраётганди, шу боис ҳозир аниқ вазифа йўқ. Кападзе "Локомотив" собиқ аъзоси у ҳам, мен ҳам клуб тақдирига бефарқ эмасман. Бугун ажойиб ўйин бўлди деб ўйлайман.

Андрей Микляев: "Ижобий натижалар Кападзенинг келиши билан боғлиқ"