"Lokomotiv" rahbariyati va futbolchilarni guruhdan chiqqani bilan tabriklayman. Ancha yillardan buyon o'zbek klubi guruhdan chiqa olmagandi. Birinchi bo'limda gol ura olmadik. Raqib "avtobus" himoyada o'ynadi. Bizda 3-4ta vaziyat bo'ldi. Ikkinchi bo'limda natija uchun o'ynashga majbur bo'ldik. Guruhda birinchi o'rinni olganimizdan xursandman.

- "Bunyodkor" stadionida biz ham gol ura olmadingiz?

Biz harakat qildik, raqib juda ko'pchilik bo'lib himoyada o'ynadi. 1/8 finalni qaysi stadionda o'tkazishimizni hozir men bilmayman. O'zimizga qolsa "Lokomotiv" stadionida o'tkazishni istardik.

- "Al Hilol" haqida nima deya olasiz?

"Al Hilol" kuchli jamoa. O'tgan yil ham bu jamoaga qarshi o'ynagandik. Bu jamoani o'rganib chiqishga vaqtimiz bor. Texnika rivojlanib ketgan, videolar orqali ham raqibni o'rganishimiz mumkin.

- O'yindan oldin qanday ko'rsatma berilgandi?

- Birinchi bo'limda gol urish vazifasi qo'yilgandi. Tanaffus vaqtida esa raqibga qarab o'ynashni aytdik. Natija uchun o'ynaganimizni tan olaman.

- 1/8 finalda "Paxtakor"ga qarshi o'ynaganingizda osonroq bo'larmidi?

- Yo'q. Bunday hisoblamayman. Agar "Paxtakor" bilan o'ynaganimizda qiziq bo'lardi. Bundan tashqari chorak finalda bitta jamoamiz bo'lardi.

Narzulla Saydullaev

Andrey Miklyaev: "Lokomotiv" rahbariyati va futbolchilarini tabriklayman"