- Nima deyishni ham bilmayman. Albatta natijadan va gol urganimizdan xursandman. Oxirgi bahslarda gol urishda muammolarga duch kelayotgandik. Bu yoqimsiz seriyani buzganimizdan mamnunman.

Bugungi bellashuv haqiqiy kubok uchrashuviga mos tarzda kechdi. "Bunyodkor" bizga qarshi yopiq o'yin uslubini tanladi. Bu bahsda golli vaziyatlar kam sodir etildi.

Tarkibdagi o'zgarishlar? Jamoa g'alaba qozonayotganda tarkib o'zgartirilmaydi. Mag'lubiyat bo'lgan pallada esa nimanidir o'zgartirish kerak bo'ladi. "Lokomotiv"dagi barcha futbolchilar o'z o'yinlari bilan jamoaga naf keltirishlari kerak. KO'plab futbolchilar uzun mavsumni o'tkazishmoqda va charchashgani tabiiy. Keyin futbolda jarohatlar va kartochkalar bo'ladi. Shu bois hammasini inobatga olishga majburmiz. Shuningdek, jamoamiz hozirda har uch kunda o'yin o'tkazmoqda.

Bobur Yo'ldoshevning qanotga o'ynatganimiz ko'plab omillar sabab. Eng asosiy omil bu "Bunyodkor"ning qanotlari ancha tez edi. Shunga moslab To'xtaxo'jaevni emas, balki Boburni qanotda o'ynatishga qaror qildik.

Ikkinchi davrada "Lokomotiv" mavsum avvalida bo'lgani kabi kuchga to'la emasdek ko'rinmoqda.

Bugun faqat natijadan ko'nglim to'ldi. Biz har o'yinda faqat hujumkor futbol namoyish eta olmaymiz. Muxlislarimiz esa "Lokomotiv"ning chiroyli va hujumkor o'yinlariga o'rganib qolishgan. Lekin hozir jamoamiz bu kabi o'ynashga qodir emas. Chunki hali aytib o'tganimdek ketma-ket o'yinlar o'tkazyapmiz.

Andrey Miklyaev: "Nihoyat gol urishni uddaladik"