“Paxtakor”ni g'alaba bilan tabriklayman. Biz 2 turni mag'lubiyatsiz o'tkazdik, lekin bugun bizga mobil shakllangan o'zbek futbolining etakchilaridan biri to'qnash keldi. Bugun daraja o'z so'zini aytdi. Stadionga kelganlar ko'rishdi, bizda 30 daqiqagacha darvozani ishg'ol etish uchun qulay vaziyatlar yuzaga keldi. Gol ura olmadik va o'tkazib yubordik. Ahmoqona 2-gol, to'rtinchisi esa umuman tushunarsiz. 3:0 bo'lib turganida ajoyib to'p kiritdik, yana gol urishga vaziyatlar bo'ldi, zaxiradan foydalanishga ham ulgurmadim va to'rtinchisini qabul qildik. Butun hafta davomida bu boshqa jamoa, raqibga nafas olish, boshini ko'tarishga imkon bermaslik kerak deb uqtirgandim. Mahorat, individiul mahorat baribir o'z so'zini aytdi. Statistika qaraydigan bo'lsak, bugun bizda etarlicha standart vaziyatlar bo'ldi. Ishlashda davom etamiz, bu endigina 3-tur. Hech qanday xavotir yo'q, xafa qilgani esa tajribali futbolchilarimizning men o'ylagan darajadek o'ynay olishmagani bo'ldi. “Paxtakor”ni juda yaxshi o'rgangandik. “Buxoro”, “Navbahor”ni ko'rganimiz yo'q, “Spartak” bilan o'yinni tomosha qilgandim. Barcha holatlar, kamchiliklarni shu o'yindan tahlil qildik. Bugun esa ularning deyarli barchasi o'yin davomida bajarildi. Yagona narsa to'p darvozaga kirmadi. Tanaffusga 0:0 hisobida chiqib ketganimizda, bahs boshqacha bo'lgan bo'lardi. Buni aniq ayta olaman. Boisi, qanday raqib bo'lmasin barchasini o'rganib chiqamiz – “Surxon”, "Qo'qon-1912”, “Paxtakor” … Men va murabbiylar shtabi “Paxtakor”ning chempionatdagi, Ligadagi o'yinlari, futbolchilarining termadagi ishtirokini diqqatlik bilan taxlil qilib boramiz. Imkoniyatlarimiz cheklangan, ammo undan maksimum tarzda foydalanamiz. Hozir kiyim almashtirish xonasiga kirib, hech kimga tanbeh berishni istamadim. “Paxtakor” o'z o'yinini namoyish etadi, barchasi tanish holat. Biroq, individual mahorat shu kabi o'yinlarning mikrolahzalarida hal qiluvchi rolni o'ynaydi.

1- va 2-o'yinda “Metallurg”da hujum hamda himoyada bog'liqlik bor edi, bugun esa bu ko'rinmadi?

Bunga to'g'ri etibor beribsiz. Bugun tarkibda biroz o'zgarish yuzaga keldi. Ammo bu 11 o'yinchi bilan butun mavsumni o'tkazish mumkin degani emas. Tarkibda rotaciya amalga oshirmoqdamiz, bugun Ixtiyor To'shpo'latov chap qanot himoyachisi sifatida o'ynadi. U juda yaxshi harakat qildi va men undan qoniqish hosil qildim. Doniyor Narzullaev kuchayib bormoqda. Ixtiyor ham Narzullaev ham bizda 3 oydan beri o'ynamoqda. Chumak mashg'ulotlar vaqtida kutilmagan tarzda jarohat oldi, uni asradim va uning 2-taymda tushishi o'yin suratini o'zgartirdi. Salamat o'yin ritmiga biroz tushmay qoldi, ammo u 2 tur natijasiga ko'ra o'zini yaxshi tomondan ko'rsatgan edi. Jamoaviy o'yin intizomi birinchi o'rinda turadi. "Metallurg" "Paxtakor" darajasidagi jamoa emas". Tarkibida bir qancha terma jamoa o'yinchilari jam bo'lgan “Paxtakor” kabi jamoaga qarshi yana intizomliroq o'ynash zarur bo'ladi. O'ylashimcha, bahsga agressiv jihatdan to'g'ri yondasha olmadik. 1-taymdan keyin va o'yin tugaganidan so'ng kiyim almashitirish xonasiga kirib, shogirdlarimga 1-daqiqadan boshlab, to 95-daqiqaga qadar o'ynash zarurligini tushuntirib o'tdim. Kichik Shipilovda diskvalifikaciya bo'lmaganida, u bugun o'ynagan bo'lardi. Chumak esa jarohati bois 2 kun davomida mendan inekciya olishga ruxsat so'radi. Hech qanday fors-major holat yo'q, agarda hammasi joyida bo'lganida ular bugun asosiyda tushgan bo'lishardi.

Andrey Shipilov: "Metallurg" "Paxtakor" darajasidagi jamoa emas"