Учрашувдан кейинги матбуот анжуманининг биринчи қисмида бекободликлар устози Андрей Шипилов ҳамда баҳсда "Металлург" таркибида энг яхши ўйинчи деб топилган Сафар Сафоевлар иштирок этишди.

А.Шипилов: "Ўйин қийин бўлишини билардик. Бугунги учрашув олдидан таркибимизда муаммолар борлиги сабабли ёшларга имкон бердик. Бу ўзимизни оқлаш учун баҳона эмас. Ўйлашимча, натижа адолатдан бўлмади. Таблодаги ҳисоб 3:0 эмас, балки 1:0 бўлганда адолатли бўларди. Танаффусдан сўнг рақибга жарима майдончаси олдида прессинг уюштириб уларни қийнаб қўйдик. "Пахтакор"га жисмонан ютқазмадик, аммо 2-бўлимдаги ўйинимизни кучайтирганимиз яхши натижа қайд этиш учун етарли бўлмади. Ғалаба билан "Пахтакор"ни табриклайман".

З.Сафоев: "Мураббийимизнинг фикрларига тўлиқ қўшиламан. Ёш таркиб билан муносиб ўйнадик. Биргина ранжитган ҳолат бу натижа бўлди. Таблодаги йирик ҳисоб ортиқча бўлди. Биз эса яратилган вазиятлардан фойдалана олмадик".

Андрей Шипилов: "Якуний натижа адолатли бўлмади"