Futbolchi mamlakat Oliy ligasining 1-turidan o'rin olgan CSKA-Pomirga qarshi uchrashuvda gol urib jamoasining g'alabasiga munosib ulush qo'shdi. O'yindan so'ng o'zbekistonlik hujumchining fikrlari bilan qiziqdik.

“Og'ir va oson bo'lmagan o'yin bo'ldi. Raqibimiz yaxshi shakllangan, iqtidorli yosh futbolchilarga ega jamoa ekan. Bizga qarshi maksimal tayyorgarlik bilan maydonga chiqishgani ko'rinib turdi. Umuman olganda bahsda tenglik kuzatildi. Faqat biz ulardan ko'ra ko'proq gol urdik. Birinchi bo'lim ohirida hisobni ochganimiz foydamizga ishladi. Tanaffusga ko'tarinki kayfiyatda yo'l oldik.

Gol urib jamoamga foyda keltirganimdan xursandman. Osiyo chempionatidan keyin ko'p jamoa almashtirdim? Oldingi jamoalarimda etarlicha o'yin amaliyotiga ega bo'lmadim. “Xo'jand”ga ko'proq o'ynash va chiroyli gollar urish uchun keldim. Barcha sovrinlarni o'zimizniki qilishni istaymiz. Bu erda yolg'iz emasman. Sanjar Rixsiboev, Siroj Hamroev, Mamur Ikromov kabi jamoadoshlarim bor. Ha, birinchi golimni urdim. Bizda mavsum endi boshlandi. Oldinda o'yinlar ko'p. O'ylaymanki ko'plab gollarim bilan mahalliy ishqibozlarni mehrini qozona olaman”,- deydi Sidorov.

Abdulaziz Iskandarov yozib oldi

Andrey Sidorov: "Xo'jand"ga o'yin amaliyotiga ega bo'lish va chiroyli gollar urish uchun keldim"