Ulardan biri Andriya Filipovich o'zidan yaxshi taassurot qoldirdi. 13 ta o'yinda 5+4 ko'rsatkichini qayd etdi va jamoani ligada saqlab qolishiga munosib hissa qo'shdi. "Paxtakor" bilan o'yindan so'ng futbolchi qisqacha fikrlarini bildirdi.

"O'zbekistondagi ilk mavsumimni o'tkazdim. Ayniqsa oxirgi 4 oyni alohida takidlagan bo'lardim. Hattoki, statistika ham buni aytib turibdi. "Bunyodkor"ni qiyin vaziyatdan olib chiqib ketdik. "Paxtakor" bilan qiyin o'yin bo'ldi. To'g'ri, natija barchasini gapiradi. Ammo maydonda qanday qarshilikka duch kelganimizni yaxshi bilamiz. Raqib safida texnik yigitlar jamlangandi. Biz murabbiyimiz nima istayotganini bajardik. Oxirgi o'yinni g'alaba bilan yakunladik. Bundan barcha xursand deb o'ylayman. Moslashishga hech qanday vaqt ketmadi. Men o'z sifatlarimni bilaman. Gol urishim va jamoaga yordam berishim lozim edi. Men uchun gol yoki assistlarim emas, "Bunyodkor"ning o'rnini saqlab qolishi muhim hisoblanardi.

Hozir uyga qaytib dam olaman. Oldinda nima bo'lishini ko'ramiz. "Bunyodkor" Superligada qolishi va keyingi mavsumda chempionlik uchun kurashishi kerakligini tushunib turgandik. Vazifa bajarildi",- deydi Andriya Filipovich.

Andriya Filipovich: "Gol yoki assistlarim emas, "Bunyodkor"ning Superligada qolishi muhim edi"