Manchester Siti – Manchester Yunayted 2:1
3 iyun, 19:00 | "Uembli"
Gollar: Ilkay Gyundogan (1, 1:0), Bruno Fernandesh (33-pen, 1:1), Ilkay Gyundogan (51, 2:1).
Manchester Siti – Ortega, Uoker, Ruben Diash, Akanji, Stounz, Gyundogan, de Bryuyne (Foden, 76), Grilish (Ake, 90), Bernardu Silva, Rodri, Xoland.
Manchester Yunayted – De Xea, Uan-Bissaka, Varan, Lindelef (Maktominey, 83), Shou, Eriksen (Garnacho, 62), Kazemiro, Fred, Brunu Fernandesh, Sancho (Vegorst, 78), Reshford.
Ogohlantirish: Uan-Bissaka (45), Fred (79), Ortega (81), Rodri (90).

YANGILASH

Uchrashuv yakunlandi! "Manchester Siti" mavsumdagi ilk finalida "Manchester Yunayted"ni mag'lub etdi. Trebl uchun "shaharliklar" endi "Inter"ni mag'lub etsalar bo'lgani. Bu "Manchester Siti" uchun ettinchi Angliya Kubogi bo'ldi.

90+4. Kayl Uoker jarohat oldi. Unga tibbiy yordam ko'rsatilmoqda.

90+2. UXXXXXXX!!! "Yunayted" hisobni tenglashtirishiga bir bahya qolgandi. Ketma-ket zarbalar darvozaga kirmadi.

Uchrashuvning 2-bo'limiga ham 4 daqiqa qo'shib berildi.

90. UXXXXXX!!!! "Siti" golga juda yaqin kelmoqda. Gyundoganning Xolandga oshirgan to'pini himoyachilar qaytarib yuborishdi.

83. UXXXXXX!!! Rikoshet bilan Xoland darvozaga gol urib qo'yishiga sal qoldi. U zarbaga qadar MYU futbolchilarini fishka qilib o'tib ketgandi.

80. "Siti" yana bir gol urishga yaqin kelgandi. Qanotdan uzatilgan to'pni bo'sh qolgan darvozaga kiritishga Akanji ulgurmadi.

79. "Siti"da jarima zarbasi. Fredga sariq kartochka ko'rsatildi.

76. Garnacho "Siti" jarima maydonchasi ichiga yorib kirdi va zarba berdi. Himoyachilar to'pga blok qo'ya olishdi.

71. Gyundogan uchinchi golini ham urgandi. Biroq offsayd qayd etildi. "Yunayted" himoyasida juda-juda parokandalik bo'lmoqda.

69. ZARBAAAAAAA!! Reshfordning raqib darvozasi tomon kuchli zarbasi noaniq ketib qoldi.

64. Stounz uzoq masofadan de Xea darvozasi tomon anchagina noaniq zarba yo'lladi.

62. DE XEAAAA!! Kevin de Bryuynening zarbasini oyog'i bilan qaytarib yubordi.

56. "Shaharliklar" jarima zarbasiga ega bo'lishdi. Undan uzatilgan to'pni Diash darvoza yoniga tashladi. Himoyachilar to'pni qaytarib yuborishdi.

51. GOOOOOOOOOOOLLLLL!!! Ilkay Gyundogan yana bir bor jamoasini hisobda oldinga olib chiqdi!

49. UXXXXXXXX!! Kevin de Bryuynening qanotdan erlatib uzatgan to'pi Xolanddan ham, Gyundogandan ham o'tib ketdi.

46. Ikkinchi bo'lim boshlandi!

Birinchi bo'lim yakunlandi, tanaffus!

45+4. Van-Bissakaga sariq. Futbolchi Grilishga qarshi qo'pol o'ynadi (penalti qahramonlari)

1-bo'limga 4 daqiqa vaqt qo'shib berildi. To'g'ri, penaltini tepish uchun 3 daqiqa vaqt sarflandi.

42. ZARBAAAAAAA!!! Kazemironing burchakdan uzatmasidan keyin Varan darvozaga kuchli zarba berdi. Noaniq.

39. Fred o'z jarima maydonchasi ichida Xolandga qarshi qo'pol o'ynagandek ko'rindi. "Shaharliklar" penalti so'rashdi. Pol Tirni esa penalti yo'q dedi.

35. XAVFLI VAZIYATTTT!!! Kevin de Bryuyne pas aralash zarba yo'lladi. To'p darvoza tepasidan o'tib ketdi.

33. GOOOOOOOOOOOOLLLLL!!! Brunu Fernandesh penaltidan unumli foydalandi! Uchrashuv endi boshlanmoqda!

30. PENALTI!!! "Manchester Yunayted" penalti tepadi.

28. UXXXXXXX!! Kevin de Bryuynening kuchli zarbasi darvoza yonginasidan o'tib ketdi.

24. "Yunayted"dan ilk xavfli hujum. Kazemironing uzatgan to'pini Reshford raqib darvozasiga zarba berishga urundi. To'p darvoza yonidan o'tib ketdi.

23. Kevin de Bryuyne MYU jarima maydonchasi ichiga yorib kirishga intildi. Biroq bunga Varan yo'l qo'ymadi.

21. Erling Xolandning kuchli zarbasi darvoza yuqorisidan o'tib ketdi.

17. UXXXXXX!! "Siti"da yana bir yaxshi hujum. Gyundogan hujum markazidagi Xolandga to'pni oshirdi. Erling to'pga biroz eta olmadi va natijada to'pni de Xea ushlab oldi.

15. O'yindagi temp pasaydi. "Siti" to'pni "Yunayted"ga deyarli bermayapti. MYU esa pressing uyushtirmoqda.

8. Kazemironing zarbasini himoyachilar qaytarib yuborishdi. "Yunayted" biroz bosim qilmoqda.

4. UXXXXXXX!! Rodri hisobdagi farqni oshirib qo'yishi mumkin edi. Jarimadan uzatilgan to'pni Rodri boshi bilan darvoza tomon yo'lladi. To'p darvoza to'rining tashqi tomoniga tegdi.

1. O'yin tugadi) "Manchester Siti" hisobni ochdi. 13-soniyadayoq Ilkay Gyundogan hisobni ochdi.

1. UCHRASHUV BOSHLANDI!

------------------------------

18:58. Shahzoda Uilyam ikki jamoa futbolchilari bilan qo'l tashlashib chiqdi va Buyuk Britaniya madhiyasi aytildi (jonli ijroda!)

18:56. Jamoalar maydonga chiqib kelishmoqda.

18:53. Ikki jamoa muxlislari stadionni ko'k va qizil rangga burkab qo'yishgan. Juda chiroyli holat. Afsonaviy murabbiy ser Aleks Fergyuson va Mayk Sammerbi birgalikda jamoalarning chiqaverishidagi minbarga sovrinni olib borib qo'ymoqda.

- Hurmatli futbol ishqibozlari! Etiboringizni "Uembli"ga qaratamiz. Angliya Kubogi finalini yutish uchun Manchester shahrining ikki klubi ushbu stadionga etib kelishgan.

"Manchester Siti" Angliya Kubogi finalida "Manchester Yunayted"ni mag'lub etib, trebl sari ikkinchi qadamni tashladi