“Ha, ochig'ini aytishim kerak biroz xafa bo'ldim. Ammo bugun biz birinchi bo'limda yaxshi o'yin ko'rsatdik, to'p bilan ishonchli muomalada bo'ldik, ikkinchi bo'limda esa ko'plab golli vaziyatlarni yarata oldik.

Futbolchilarim uzoq parvozlar va etarlicha hordiq chiqarmasdan men istagandek o'yin ko'rsata olishdi. Ular mag'lubiyat bilan kelisha olishmasdi. Bizda ikkinchi golni urish uchun ham imkoniyatlar bo'ldi. Ammo “Enfild”da o'ynash doim qiyin bo'lib kelgan. Biz g'alaba uchun harakat qildik va kurashdik.

Gol urilgan vaziyatda Villian to'pni oshirib bermoqchi edimi? Bilmadim, men u bilan hali gaplashmadim. “Liverpul” gol urgan vaziyatda bizdan omad yuz o'girgandi, durang yaxshi natija. Ammo o'yin oxirida biz g'alabaga haqli edik.

Biz CHLda keyingi bosqchiga chiqdik va bugun qatorasiga uchinchi safar o'yinini o'tkazdik. Bundan xursand bo'lishimiz kerak. Shu ruhda davom etib, yaxshi kayfiyatni saqlab qolish lozim. Har uch kunda maydonda to'p tepish osonmas”, deydi Konte.

Antonio Konte: “Har uch kunda o'yin o'tkazish osonmas”