Saytimiz muxbiri murabbiy bilan bog'lanib mazkur masalaga oydinlik kiritgan, "Buxoro" klubiga o'tayotgani haqida Berdiev tomonidan tasdiqlangandi. Bilishimizcha, Anvar Berdiev "Buxoro" bosh murabbiy sifatida emas, balki jamoaning bosh murabbiyi Davron Fayzievga yaqindan yordam berish uchun bormoqda. Quyida murabbiy bilan tashkil etilgan suhbatni etiboringizga havola etamiz.

- Anvar aka, bizga etib kelgan malumotlarga ko'ra, endilikda "Buxoro" jamoasida faoliyat yuritar ekansiz, bu rostmi?
- Ha, to'g'ri. "Buxoro" klubidan menga taklif bo'ldi va uzoq vaqt o'ylab ko'rgan xolda ushbu taklifni qabul qildim.
- Aytingchi, "Istiqlol"dan ketib "Buxoro"ga o'tishingizning sababi nima?
- To'g'risini aytganda, "Buxoro" jamoasidan tushgan taklifni tug'ilib o'sgan yurtimga yaqinroq bo'lish uchun qabul qildim. Bu borada oilam bilan maslahatlashib shu qarorga keldik.
- "Buxoro" klubiga bosh murabbiy sifatida borayapsizmi?
- Yo'q, bu jamoaga yordamchi murabbiy sifatida ketayapman. Ayni damda jamoa bosh murabbiyi Davron Fayziev hisoblanadi. U insonni yaxshi bilaman, bir-birimizni yaxshi tushunamiz. Birgalikda ishlab nasib bo'lsa yangi mavsum yakunida "Buxoro"ni Superligaga qaytarmoqchimiz.

Bekzod Tolibov yozib oldi

Anvar Berdiev: "Buxoro"ga tug'ilib o'sgan joyimga yaqinroq bo'lish uchun bormoqdaman"