Shu bois uchrashuvdan keyin tajribali hujumchini suhbatga tortdik.

- O'z maydonimizda muxlislarimiz qarshisida bizni faqat g'alaba qoniqtirardi. Shu bois o'yinga yuqori darajada tayyorgarlik ko'rgandik. Tarkibda ham bugun bir qator o'zgarishlarga qo'l urildi. Hamma yigitlar hamjihatlikda o'ynadi. Bu juda muhim. Chunki futbol bu jamoaviy o'yin. Albatta, klubimiz rahbariyati va Andijon ahliga xursandchilik ulasha olganimizdan mamnunmiz.

- Ushbu qo'lga kiritilgan g'alabada barchaning hissasi bor degan bo'lardim. O'zim ikkita golga assisentlik qilib, bitta gol urdim. Bu bilan men maydonda o'z vazifamni bajardim. Urgan golimga kelsak, Otabek Valijonov ajoyib pas berdi. Har bir hujumchi maydonga chiqishdan oldin, gol urishni niyat qiladi. Jamoamga foyda keltirganimdan xursandman. Nasib qilsa kelgusi uchrashuvlarda ham o'z gollarim bilan “Andijon”ga yordam berishga xarakat qilaman.

- “So'g'diyona” jamoasining o'yini menga yoqdi. Yigitlarda g'alabaga tashnalik bor. Avvalgi yillardagiga nisbatan joriy mavsum yaxshi o'yin ko'rsatib kelishmoqda. Ularning kelgusi uchrashuvlarida omad tilayman.

- Endi jamoamiz keyingi turda Qarshida “Nasaf” bilan o'ynaydi. Hech kimga sir bu klub mamlakatimizning etakchi jamoalaridandir. “Ajdarlar” hozircha chempionatda mag'lubiyatga uchramay kelmoqda. Boz ustiga ular o'z uyida juda yaxshi o'ynaydi. Biroq shunday bo'lsada, oldindan taslim bo'lmoqchi emasmiz. Futbolda hamma narsa bo'lishi mumkin. Biz ham bo'lajak uchrashuvga puxta tayyorgarlik ko'rib, imkon qadar safardan ochko bilan qaytishga urinamiz.

“Andijon” matbuot xizmati.

Anvar Berdiev: “G'alabaga hamma birdek hissa qo'shdi”