O'yin haqida

- To'g'risi, jamoamizning birinchi bo'limda va ikkinchi bo'limda ko'rsatgan o'yini tubdan farq qildi. Ikkinchi bo'limda futbolchilarimizni taniy olmay qoldim. Birinchi bo'limda ustunlikka ega bo'lgandik, biroq ikkinchi bo'limda tashabbus mezbonlar tomoniga o'tib ketdi. Bu o'yinda yutishimiz ham, yutqazishimiz ham mumkin edi. Oxirida gol urib hisobni tenglashtirdik.

- O'yin davomida hakamlar qarorlaridan norozi bo'lgan vaziyatlaringiz bo'ldi. Aynan hakamlar tomonidan qo'shib berilgan 6 daqiqada jamoangiz gol urib ketdi...

- O'yin vaqtida bunday emociyalar bo'ladi. Uchrashuvdagi hakamlik bo'yicha hech qanday etirozim yo'q. "Mashal" jamoasi goldan so'ng vaqt cho'zishga urinishdi. O'yinga 6 daqiqa qo'shilganini to'g'ri deb bilaman. Jamoamiz futbolchilariga ham doim aytaman, vaqt cho'zish men uchun futboldagi eng yomon jihatlardan biri.

- Marlen Chobanovga bugun juda ko'p etiroz bildirdingiz...

- Yuqorida aytdim, ikkinchi bo'limda jamoani taniy olmay qoldim. Bu erda Marlenda ham xatoliklar kuzatildi. Uning darajasidagi futbolchilarga bunday xatolar yarashmaydi. O'yinni tahlil qilamiz va Chobanovga tegishlicha ko'rsatmalarni beramiz albatta.

- Sizningcha, bugungi Pro-ligada "Mashal" kuchlimi yoki "Turon"mi?

- Avval ham aytib o'tgandim, bu yilgi Pro-ligada o'tkinchi o'yinlar bo'lmaydi. Barcha jamoalarning imkoniyatlarini teng baholayman. Ko'ryapsizlar, bironta o'yinda ham ochko olish oson bo'lmayapti. Hozir qaysi jamoa Superligaga chiqishi yoki chiqmasligi aniq emas.

Anvar Berdiev: "Ikkinchi bo'limda futbolchilarimizni taniy olmay qoldim"