– O'yin haqida

Jamoamiz rahbariyatga maydonni tayyorlab berganliklari uchun minnatdorchilik bildiraman. Bu juda katta mehnatni talab qildi. Futbolchilar ham buni tushunib turishibdi. Minnatdorchilik bildiraman. "Olimpik" o'yin boshida qizil kartochka oldi. Bugun biz g'alaba qozonishni maqsad qilgandik. Barchaga minnatdorchilik bildiraman.

– "Sho'rtan" uchun O'zbekiston kubogi qanday ahamiyat kasb etadi?

– Har bir o'yinga g'alaba uchun tushamiz. Savolingizga shu tarzda javob beraman.

– "Sho'rtan"ning o'z maydoniga qaytgani futbolchilarga qanday yordam beradi?

– Juda xursand bo'ldik. O'z uyingda devorlar ham yordam beradi. Chempionatda ko'p ochko yo'qotdik, shuni o'rnini to'ldirishimiz kerak bo'ladi.

– Kubokdagi keyingi bahs haqida qanday fikrdasiz?

– To'g'risi, keyingi o'yinimiz chempionat doirasida. U o'yin haqida o'ylashga erta. Keyingi o'yinimiz "Dinamo"ga qarshi. Bor etiborimiz faqat shu bahsda.

– O'yinning 17:00 ga qo'yilishi qanchalik to'g'ri bo'ldi?

– Tashkilotchilar shuni xohlashdi. Ikki jamoa ham bir xil sharoitda o'ynashdi. Qiziqarliroq va tezroq o'yin xohlasak, bunda ob-havoni ham hisobga olish kerak. Bugun menimcha u qadar issiq bo'lmadi. Keyingi uchrashuvlar kechroq boshlanishi maqsadga muvofiq bo'lardi.

Anvar Berdiev: "Maydon uchun rahbariyatimizga minnatdorchilik bildiraman. Chempionatda ko'p ochko yo'qotdik, endi shuni o'rnini to'ldirishimiz kerak bo'ladi"