"Bugun teng kuchga ega ikki jamoa o'rtasida qiziqarli uchrashuv guvohiga aylandik. O'yin haqida nima deyish mumkin? Jamoamiz futbolchilari birinchi bo'limda yuzaga kelgan yaqqol vaziyatlardan foydalana olishmadi. Bilasizmi, birinchi bo'limning o'zida 4-5 ta golli vaziyatlarni yo'qqa chiqardik. Murabbiy sifatida bugungi natija uchun barcha aybni o'z zimmamga olaman.

Har doim aytganman, vaziyatlardan foydalanish borasida oqsayapmiz. Bugun ham ko'rganingizdek, o'zimizda yuzaga kelgan vaziyatlardan foydalanganimizda boshqa o'yin bo'lardi.

Mo'ydin Mamazulumov nega asosiy tarkibda tushmadi? Endi etibor bergan bo'lsangiz Mamazulumov avvalgi o'yinlarimizda zahiradan maydonga tushib o'yinimizni kuchaytirgan. Aynan u gol kiritgan uchrashuvlarimizda zahiradan o'yinga qo'shilgan. To'g'risi, Mo'ydinning yoshini ham inobatga olish kerak. Bugungi o'yinga tayyorlagan rejamizda ham ikkinchi bo'limda Mo'ydin Mamazulumovni zahiradan tushirib, o'yinimizni kuchaytirish edi" - deydi Anvar Berdiev.

Bekzod Tolibov yozib oldi.

Anvar Berdiev: "Murabbiy sifatida barcha aybni o'z zimmamga olaman"