O'yin haqida
- Futbolchilarimiz qo'llaridan kelganicha harakat qilishdi. Birinchi bo'limda yaxshi o'ynab turgandik. "Bunyodkor" jamoasi o'z imkoniyatlaridan foydalanib ketdi. Vaziyatni o'zgartirishga harakat qildik, biroq hujumlarimiz gol bilan tugamadi. "Bunyodkor"ni g'alaba bilan tabriklayman.
- "Sho'rtan"da ortda qolgan ikki o'yinda futbolchilar yomon taasurot qoldirishmadi. Gollar uchun hujumchi kerak. Jamoada bu borada qanday muammo bor?
- Bizda hozirlik vaziyatlarga nuqta qo'ya oladigan hujumchi etishmayapti. Mavjud imkoniyatdan kelib chiqib harakat qilayapmiz. Hozirgi o'zbek futbolida hujumchilar muammosi bor. Aksariyat jamoalarda legioner hujumchilar harakat qilishayapti. Mashg'ulotlarda ishlaymiz, hujumchilar har bir vaziyatdan maksimal naf chiqara olishlari lozim.
- Jamoa tarkibiga legionerlar jalb etishga moliyaviy imkoniyat etarlimi? Balki siz legionerlar bilan futbol o'ynashni hohlamassiz?
- Birinchi navbatda, o'zimizning mahalliy futbolchilarga etibor qaratishga harakat qilayapmiz. Istaysizmi, yo'qmi, yaxshi saviyadagi legioner futbolchi arzon turmaydi. Shu tarkibimiz bilan o'z oldimizdagi vazifani bajara olishimizga ishonaman. Xatolardan xulosa chiqargan holda keyingi o'yinlar uchun jiddiy tayyorgarlikka kirishamiz.
- Bugungi mag'lubiyatga "Bunyodkor"ning kuchli ekani sabab bo'ldimi? Yoki jamoangiz futbolchilari kamchiliklarga yo'l qo'yishdimi?
- O'yin boshida vaziyatlarimiz bo'layotgandi. O'z xatolarimiz evaziga gol o'tkazib yubordik. Gol urmasak, g'alaba qozona olmaymiz. Xato evaziga mag'lub bo'ldik, bundan to'g'ri xulosa chiqarishimiz kerak.
- O'rinbosarlar tarkibida asosiy jamoaga jalb etish uchun nomzodlar bor deb ayta olasizmi?
- Albatta, imkon qadar yoshlar jamoalarimiz o'yinlarini kuzatib boraman. Etibor bergan bo'lsangiz, Asilbek Anvarov ikkinchi bo'limda o'yinga tushdi. U aynan yoshlar jamoamiz tarkibidan jalb etildi. O'z maktabimizdan futbolchilarni etishtirishga harakat qilamiz.
- Ikkinchi bo'limda qanday uslubni tanladingiz?
- Etibor bergan bo'lsangiz, ikkinchi bo'limda biz ko'proq oldingi chiziqqa urg'u qaratdik. Pressingda ushlashga urindik, standart vaziyatlar bizning xatolarimizga sabab bo'ldi. Ishtiyoq bilan o'ynash kerak, futbolchilar o'zlariga ishonib harakat qilishlari kerak.
Izohlar