"Ўйин қийин бўлишини олдиндан билган эдик. Мазкур учрашувга кўпроқ ёш футболчиларни олиб келдик. Чунки қуйи тўртликда ўз мақсадимизга эришганимиздан сўнг ёшларга имкон беришни бошладик. Таркибимизда етти нафар 2001-2002 йилда туғилган футболчилар бор эди. Бу ёш футболчиларга мактаб ва дарс вазифасини ўтайди. "Хоразм" жамоасини ғалаба билан табриклайман.

Шароитларимиз яхши. Юқори тўртликка киришимиз учун тўплар нисбатига кўра "Динамо"дан ортда қолдик. Қайсидир маънода мотивация футболчига керак. Клубимиз раҳбарлари билан келишиб U18 жамоамиздаги ёш футболчиларни асосий таркибга жалб қилишга қарор қилдик. Лекин бу баҳона бўлмаслиги керак. Майдонга чиқдими ҳар бир футболчи ўзига юклатилган вазифани бажариши керак. Бошқа томондан қуйи тўртликда биринчи ўринни банд қилганимиз футболчиларга хотиржамлик берди. Кўрамиз ишлашда давом этамиз. Футболчилар қўлидан келганча ҳаракат қилишди. Мавсум якунлангач кейинги йилга тайёргарликни бошлаймиз",- дейди Анвар Бердиев.

Анвар Бердиев: "Ёш футболчиларга имконият беришга қарор қилдик"